Attivita'
Strument mużikali li jindaqq bla ma jintmiss

Nhar is-Sibt, 23 ta’ Novembru, il-Gran Salon tal-Mużew Nazzjonali tal-Arkeoloġija se jservi bħala sfond għal lejla mużikali mhux tas-soltu minn waħda mill-iprem mużiċisti tat-thermin, Carolina Eyck. Dan l-avveniment qed jiġi organizzat minn Electronic Music Malta b’kollaborazzjoni ma’ Heritage Malta u Black Box Pro, u hu sponsorjat mill- German-Maltese Circle u minn Goethe Institute.

It-theremin huwa strument mużikali pjuttost uniku peress li jindaqq mingħajr qatt ma jiġi f’kuntatt fiżiku mal-mużiċista. Jaħdem b’mod elettroniku u jipproduċi ħoss meta l-mużiċista ddaħħal idejha fil-kamp elettromanjetiku tal-istrument. Il-ħoss tat-theremin spiss jiġi kkomparat ma’ twerżiq jew tinwiħ, u kapaċi joħloq atmosfera stramba li tqanqlek.

L-istrument huwa msemmi wara l-inventur tiegħu Russu, Lev Sergeyevich Termen, jew Léon Theremin kif inhu magħruf fl-Istati Uniti. Meta Theremin ħareġ b’din l-invenzjoni għall-ewwel darba fl-għoxrinijiet, qajjem sensazzjoni kbira. L-istrument intuża għall-mużika ta’ ċerti films popolari, fosthom ‘Spellbound’ ta’ Alfred Hitchcok li ħareġ fl-1945.

F’dan l-avveniment, il-mużiċista u kompożitriċi Ġermaniża-Sorba, Carolina Eyck, se ssemma’ mużika mill-album ġdid tagħha ‘Elegies for Theremin & Voice’. Dan il-kunċert qed jiċċelebra l-ħruġ ta’ dan l-album filwaqt li jikkommemora l-100 anniversarju mill-invenzjoni tat-theremin. L-album għandu kompożizzjonijiet oriġinali u improvizzati ta’ Eyck. Il-kunċert se jutilizza ‘surround sound system’ sabiex il-mużiċista tkun tista’ ddoqq liberament u timla l-ispazju, f’sinkronizazzjoni mal-movimenti tagħha.

Yasmin Kuymizakis, kantanta u kompożitriċi Maltija, aktar magħrufa bħala YEWS, se jiftaħ din is-serata bi prestazzjoni qasira tiegħu.

Ħin: Il-bibien jinfetħu fis-7.15pm

Prezz: €10 adulti, €7 għall-membri ta’ Heritage Malta u ta’ Electronic Music Malta, u għall-istudenti. Il-biljetti jistgħu jinxtraw mis-siti u l-mużewijiet ta’ Heritage Malta jew online.

Il-Mużew Nazzjonali tal-Arkeoloġija jinsab fi Triq ir-Repubblika, il-Belt.

Għal aktar informazzjoni, żur is-sit www.heritagemalta.org

Aħbarijiet Oħra
Attivita'

The Kummissjoni WEB, which is the media team within the Soċjetà Santa Marija u Banda Re Ġorġ V tal-Imqabba, during these last 3 weeks embarked on a project to organise…

Attivita'

On Saturday 7th March 2020, the exhibition ‘Folder 78A: Library Plans and Drawings’ opens at the National Library of Malta – Valletta. This exhibition marks the last phase of a…

Attivita'

100 trees have been donated by Mellieħa Local Councillor Ivan Catillo to NGO GHKNK and are set to be planted this Sunday in l-Aħrax tal -Mellieħa. The initiative forms part of…

Attivita'

Ħal Għaxaq qed jipprepara biex jiċċelebra waħda mill-eqdem tradizzjonijiet tar-raħal; il-Karnival spontanju Għaxqi. Il-Karnival jibda l-Ġimgħa filgħodu għall-ħabta tad-9.30am b’attività bil-parteċipazzjoni tal-istudenti li jattendu l-iskola Primarja ta’ Ħal Għaxaq. Il-Karnival tal-Ħadd jikkonsisti f’serata bil-parteċipazzjoni ta’ numru ta’ gruppi ta’ żfin u immedjatament…

Aktar