Attivitajiet Kulturali
Taħdita fuq l-epika Ġifen Tork ta’ Ġan Anton Vassallo – x’verità hemm?

L-epika tal-Ġifen Tork ta’ Ġan Anton Vassallo kienet ġrajja li seħħet tabilħaqq. Kienet ġrajja unika u qanqlet lill-ewwel poeta kbir Malti jsensel l-ewwel epika tal-letteratura Maltija.

Il-fatti li uża kienu korretti imma kien hemm lok fejn niseġ u sawwar storja patrijottika għal żmienu. Il-ġrajja vera kienet mimlija kuraġġ u ċarċir ta’ demm flimkien ma’ wegħda lis-Santwarju tal-Mellieħa. Iżda fl-istess ġrajja nsibu azzarini tad-deheb, nisa tax-xogħol, ambaxxaturi maqtula u kursar li abbord kien iġib ruħu ħażin ħafna.

Dwar dan Liam Gauci se jagħmel taħdita pubblika bit-tema ‘Il-Ġifen Tork ta’ Ġan Anton Vassallo: Bejn il-Verità Storika u Verità Poetika’.

Liam Gauci hu il-kuratur tal-Mużew Marittimu ta’ Malta u ilu f’din il-kariga għal dawn l-aħħar għaxar snin. Dan l-aħħar ippubblika l-ewwel ktieb tiegħu: In the name of the Prince – Maltese Corsairs 1760-1798. L-interess tiegħu fl-istorja marittima ta’ Malta tkopri speċjalment il-kursara Maltin tas-seklu 18 u dak bikri tas-seklu 19.

It-taħdita se ssir fis-Santwarju tal-Mellieħa nhar il-Ġimgħa, 16 ta’ Frar, fis-6.30pm.

Min jixtieq jattendi għandu jibgħat email fl-indirizz elettroniku: [email protected]

Aħbarijiet Oħra
Attivitajiet Kulturali

Bejn il-25 ta’ Jannar u s-17 ta’ Frar se tittella’ s-7 edizzjoni tal-festival tal-arti u kultura Kristjana fir-Rabat (Malta), b’enfasi fuq il-kult Pawlin. Il-festival organizzat mill-Fondazzjoni Paulus jikkonsisti f’9 attivitajiet…

Attivitajiet Kulturali

L-Antartika huwa l-iksaħ kontinent, l-iżjed wieħed niexef u bl-ogħla elevazzjoni medja. Huwa wkoll il-kontinent li jinsab l-aktar l-isfel fin-naħa tan-nofsinhar tad-dinja. Peress li ż-żjarat huma ristretti, għalja u diffiċli, l-Antartika…

Attivitajiet Kulturali

Din l-attività ġiet posposta minħabba t-temp. Data oħra titħabbar iktar tard. Il-Ministru għal Għawdex Justyne Caruana nediet l-ewwel edizzjoni tal-attività Lejl Imkebbes li ser issr nhar is-Sibt, 3 ta’ Novembru…

Informazzjoni

Nhar il-Ħadd, 28 t’Ottubru, Heritage Malta qed tistieden lill-pubbliku biex igawdi attivitajiet varji li qed jiġu organizzati fis-sit arkeoloġiku ta’ San Pawl Milqi f’Burmarrad. Bosta mill-attivitajiet se jiffukaw fuq il-produzzjoni,…

Aktar