Attivita'
Tikber kemm tikber il-ħajja tibqa’ logħba tiddependi mix-xorti – attività ta’ logħob tradizzjonali

Ir-Rulina hija r-rota fil-fieri li ddur u ddur u daqqa tiġik tajba, u daqqa le. Kultant il-ħajja qisha logħba, fejn kollox jiddependi mix-xorti. Rulina huwa proġett artistiku oriġinali ispirat mid-dinja tal-logħob tat-tfal li se jġiegħel lill-viżitaturi jirriflettu dwar temi attwali fejn għalkemm naħsbu li kbirna għal dawn l-affarijiet, ħajjitna baqgħet logħba tiddependi mix-xorti. Rulina, li daħlet fil-kalendarju kulturali ta’ Valletta 2018, hija esperjenza ta’ mużika, letteratura u żfin bis-sehem ta’ tmienja u għoxrin mużiċist fuq strumenti tradizzjonali tal-banda. Din l-attivitá se tittella’ nhar is-Sibt 12 ta’ Mejju fil-bitħa imponenti tal-Palazz Vilhena fl-Imdina.

Rulina se jiffoka fuq erba’ logħbiet popolari li huma Dawra Durella, Pizzi Pizzi Kanna, iż-Żunżana Ddur Iddur u Kastig u permezz tagħhom se żżewweġ dak li hu tradizzjonali ma’ element kontemporanju. Permezz ta’ letteratura mexxejja miktuba għall-okkażjoni flimkien ma’ mużika oriġinali u żfin kontemporanju, dawk preżenti se jirriflettu dwar id-dinja li qegħdin ngħixu fiha, il-ġenn tal-ħajja u saħansitra l-mewt.

Rulina huwa proġett imtella’ mill-Għaqda Mużikali San Leonardu, b’appoġġ finanzjarju ta’ Valletta 2018 u l-kontribut tas-Sezzjoni tal-Etnografija fi ħdan Heritage Malta dwar il-logħob tradizzjonali.

Se jsiru żewġ rappreżentazzjonijiet ta’ Rulina nhar is-Sibt 12 ta’ Mejju fit-8.30pm u d-9.30pm fil-Palazz Vilhena (Muzew Nazzjonali tal-Istorja Naturali) l-Imdina. L-attendenza hija limitata u d-dħul se jkun mingħajr ħlas.

Għal iktar tagħrif żuru l-paġna ta’ Rulina fuq facebook jew ċemplu fuq 79867165.

Aħbarijiet Oħra
Attivita'

Fis-Sala Kappella tal-Mirakli fil-Ġnien tal-Mirakli, Ħal Lija se jsir il-festival taċ-ċitru. Hawnhekk se jkun hemm il-bejgħ tal-frott, ikel lokali u inernazzjonali kif ukoll bejgħ tal-prodotti tal-għasel. Il-festival se jsir fl-20…

Attivita'

Skont il-Kummissjoni Għolja tal-Ġnus Magħquda għar-Refuġjati, illum 13.1 miljun persuna fis-Sirja għandhom bżonn għajnuna umanitarja – dan minħabba 8 snin ta’ gwerra ċivili krudili u persekuzzjoni kontra l-Kristjani li ġarrbu…

Attivita'

Amigos huwa grupp magħmul minn żgħażagħ, li jwettqu xogħol volontarju u jagħmel parti mis-Segretarjat Missjonijiet Agostinjan. Ta’ kull sena jwettqu xogħol missjunarju, ‘il barra minn xtutna. Din is-sena jagħlqu 25…

Attivita'

Taħt id-direzzjoni tas-Surmast Etienne Spiteri, il-Banda San Ġiljan se ttella’ kunċert mużikali bl-isem Music from Vienna, li jikkonsisti minn repertorju esiġenti u magħruf tal-kompożitur Awstrijakk Johann Strauss Jr, li żgur…

Aktar