Attivitajiet Kulturali
Tista’ tgħix l-istorja militari fil-Forti Sant’Iermu bla ħlas nhar il-Ħadd

Nhar il-Ħadd, il-Forti Sant’Iermu se jiftaħ il-bibien tiegħu għall-pubbliku biex iżur il-Mużew Nazzjonali tal-Gwerra bla ħlas.  Heritage Malta se tagħmel dan fl-istess jum li fih Malta se tikkommemora l-għoti tal-George Cross lill-gżejjer Maltin.

Il-viżitaturi se jkollhom l-opportunità li jżuru wkoll il-wirja li ġiet inawgurata riċentament dwar il-familja ta’ artisti Schranz.  F’wirja oħra se jkunu esebiti dokumenti tat-Tieni Gwerra Dinjija u matul il-ġurnata se jkun hemm ukoll is-Suq Malti tal-Artiġġjanat fil-parti tal-Enciente.  Se jkun hemm ukoll esebizzjonijiet minn gruppi ta’ re-enactments minn epoki differenti, fosthom In Guardia, Legio X u Battlefront.

Il-viżitaturi se jkunu jistgħu jattendu wkoll għal tliet żjajjar bi gwida, tnejn bil-Malti li se jsiru fid-9.30am u t-3.30pm u ieħor bl-Ingliż fis-1.30pm.  Il-Forti Sant’Iermu jiftaħ bejn id-9am u s-6pm.   Iktar tagħrif jista’ jinkiseb mis-sit elettroniku ta’ Heritage Malta – heritagemalta.org – jew mill-paġna ta’ facebook – facebook.com/HeritageMalta.

Aħbarijiet Oħra
Attivitajiet Kulturali

L-Antartika huwa l-iksaħ kontinent, l-iżjed wieħed niexef u bl-ogħla elevazzjoni medja. Huwa wkoll il-kontinent li jinsab l-aktar l-isfel fin-naħa tan-nofsinhar tad-dinja. Peress li ż-żjarat huma ristretti, għalja u diffiċli, l-Antartika…

Attivitajiet Kulturali

Din l-attività ġiet posposta minħabba t-temp. Data oħra titħabbar iktar tard. Il-Ministru għal Għawdex Justyne Caruana nediet l-ewwel edizzjoni tal-attività Lejl Imkebbes li ser issr nhar is-Sibt, 3 ta’ Novembru…

Informazzjoni

Nhar il-Ħadd, 28 t’Ottubru, Heritage Malta qed tistieden lill-pubbliku biex igawdi attivitajiet varji li qed jiġu organizzati fis-sit arkeoloġiku ta’ San Pawl Milqi f’Burmarrad. Bosta mill-attivitajiet se jiffukaw fuq il-produzzjoni,…

Attivitajiet Kulturali

Għal sena oħra konsekuttiva, nhar il-Ħadd li ġej 21 ta’ Ottubru 2018 għall-ħabta tas-6.00 ta’ filgħaxija, ser tkun qiegħda tittella’ l-akbar fjakkolata fil-gżira ta’ Għawdex ġewwa r-raħal ta’ Santa Luċija….

Aktar