Attivita'
Titħajjar iżżur is-sit ta’ Tas-Silġ u l-Forti Delimara?

Skont il-missjoni ta’ Heritage Malta li tagħmel aċċessibbli dawk is-siti fdati lilha, il-pubbliku qed jiġi mistieden għal żjara bi gwida fis-sit arkeoloġiku ta’ Tas-Silġ u fil-Forti ta’ Delimara, nhar is-Sibt, 26 ta’ Jannar. Dawn iż-żewġ siti, li t-tnejn jinsabu f’Marsaxlokk, ma jkunux regolarment miftuħa għall-pubbliku.

Tas-Silġ huwa santwarju antik li jkopri diversi perjodi u jmur lura saż-Żmien Neolitiku. Fdalijiet arkeoloġiċi li nstabu f’dan il-post jindikaw li dan baqa’ jgawdi sinifikat reliġjuż fost diversi kulturi li għexu fi Żmien il-Bronż, dak Puniku-Feniċju, Ruman, Biżantin u Għarbi.

Il-Forti ta’ Delimara huwa struttura militari li nbena fid-19 il-seklu u kien jifforma parti minn numru ta’ fortifikazzjonijiet li kienu maħsuba biex jipproteġu l-port ta’ Marsaxlokk. Il-biċċa l-kbira tal-forti tinsab taħt l-art, filwaqt li ċerti aperturi ta’ ventilazzjoni u aċċess għall-passaġġi huma mifruxa matul il-wiċċ tal-irdum u jfiġġu wkoll il-barra fuq il-Ponta ta’ Delimara.

Niltaqgħu: Marsaxlokk, biswit il-kappella ta’ Tas-Silġ fid-9.00am.

Biljetti: Adulti 12 il-ewro, membri ta’ Heritage Malta/anzjani/tfal/studenti 10 ewro.

Il-biljetti jistgħu jinxtraw mill-mużewijiet u s-siti kollha ta’ Heritage Malta jew online fuq https://shop.heritagemalta.org/index.asp?eventid=499

Il-parteċipanti huma irrakkommandati li jilbsu żraben komdi u li jġibu torċ magħhom.

Għal aktar informazzjoni, żuru s-sit ta’ Heritage Malta www.heritagemalta.org

Aħbarijiet Oħra
Attivita'

It-tielet edizzjoni tal-Gozo Film Festival ser tiġi organizzata mill-Gozo Film Club bis-sostenn tal-Ministeru għal Għawdex u l-Malta Film Commission. Il-Gozo Film Festival se jsir bejn il-Ġimgħa t-23t’Awwissu u l-Ħadd 25 ta’ Awwissu….

Attivita'

NnG Promotions has announced three big local names to perform in Malta’s annual staple Joseph Calleja concert next week. Malta’s best selling pop music artist Ira Losco who has recently released her 6th…

Mużika

Queen – a Tribute Live Experience: will be electrifying Marsalforn with the band’s legendary music on the 12th August during Marsalforn Mondays. Daryl Ebejer, Tiziana and Claudia Faniello amongst others will…

Attivita'

Nhar is-Sibt li ġej fil-bitħa tal-Każin San Gejtanu se titella’ l-attività tradizzjonali ta’ qabel il-festa: ‘Tat-Tamal Fest’. Din l-attività, li d-dħul għaliha huwa b’xejn, se ssir bis-sehem sħiħ tal-grupp popolari…

Aktar