Wirja
Wirja Medjevali għal Jum Ħal Safi

Bħala parti miċ-ċelebrazzjonijiet ta’ Jum Ħal Safi, fi tmiem dil-ġimgħa, Heritage Malta qed tippreżenta l-esebizzjoni ‘Core and Periphery: Mdina and Safi in the 9th and 10th centuries’ fil-bini tal-Kunsill Lokali ta’ Ħal Safi.

Din l-esebizzjoni tkompli ma’ dik li kienet qed tittella’ dan l-aħħar fil-Mużew Nazzjonali tal-Arkeoloġija l-Belt Valletta, u tippreżenta wħud mir-riżultati li ħarġu minn żewġ skavi arkeoloġiċi ta’ emerġenza li twettqu fl-Imdina fl-2008 u f’Ħal Safi fl-2015. Dawn iż-żewġ skavi wasslu għal tagħrif prezzjuż dwar iż-Żminijiet Mudlama ta’ Malta – perjodu drammatiku ta’ bidla storika li ra t-tmiem tal-ħakma Biżantina u l-wasla tal-Għarab fil-gżejjer tagħna.

It-tipoloġija taċ-ċeramika ta’ dawn il-perjodi qed tiġi esebita għall-ewwel darba, bħala introduzzjoni għal diskussjoni aktar wiesgħa dwar is-soċjetà u l-ekonomija ta’ Malta fid-9 u l-10 sekli. L-esebizzjoni tiffoka b’mod partikolari fuq il-kuntrast bejn il-ħajja urbana u dik rurali f’dan il-perjodu.

Din l-esebizzjoni se tkun miftuħa s-Sibt, 6 t’April, u l-Ħadd, 7 t’April, mill-10.00am sas-1.00pm.

Nhar il-Ħadd, 7 t’April, mill-10.00am sas-1.00pm, il-viżitaturi jistgħu jiltaqgħu u jiddiskutu mal-kuratur dwar din l-epoka affaxxinanti.

Dħul bla ħlas.

Aħbarijiet Oħra
Wirja

Għada, 8 ta’ Lulju 2019, għall-ħabta tat-8.30pm, fi Pjazza Mifsud Bonnici, Marsaskala, ser jittella’ kunċert mużikali mill-Banda tal-Pulizija. Se ssir ukoll wirja mill-Precision Drill Team u mis-Sezzjoni tal-Klieb, flimkien ma’…

Wirja

Bħala parti mill-missjoni tagħha biex tassigura li l-elementi tal-wirt kulturali jkunu aċċessibbli għal kulħadd, qed tiġi organizzata żjara speċjali ġewwa l-MUŻA minn Heritage Malta u l-Aġenzija Sapport, nhar l-Erbgħa 10…

Wirja

Il-Kummissjoni Nar Soċjetà Mużikali Beland ser tkun qed torganizza The Beland Motor Show għat-tielet sena konsekuttiva bejn is-27 u 28 ta’ Lulju. Fis-27 ta’ Lulju l-wirja ser tkun qed titella’…

Wirja

Il-Gozo Philatelic Society irranġat wirja ġdida fil-vetrina li għandha fil-livell -1 tal-ĦAĠAR (Pjazza San Ġorġ – Victoria), magħmula minn assortiment ta’ eżempji “Vittorjani” filateliċi u numismatiċi. Ġiet ippreparata biex tfakkar…

Aktar