Attivita'
Wirja ta’ pittura tal-artist Matthew Cassar

Seascape hija wirja ta’ pittura tal-Artist Rabti Matthew Cassar li ser tiġi mtella’ b’kollaborazzjoni mas-Società Filarmonica La Vittoria tal-Mellieħa mit-12 sal-20 ta’ Mejju 2018 fis-Sala 8 ta’ Settembru tal-istess Soċjetà u ser tkun inawgurata mis-Sur E. V. Borg. Kif jindika t-titlu tal-wirja l-Artist ried juri s-sbuħija u l-kobor tal-baħar fejn għandu għall-wiri xeni mill-isbaħ. L-Artist Matthew Cassar beda jitgħallem l-arti fil-bidu tas-snin sittin ġewwa l-Liceo tal-Ħamrun ma’ Esprit Barthet. Attenda l-Malta School of Arts. Matthew studja l-istorja tal-Arti fl-Università ta’ Malta u fl-1998 għamel kors fid-Decorative Paint Techniques fl-Euro Institute of Music and Arts. Fl-1999 ingħata Special Distinction Award għax-xogħlijiet tiegħu fil-Malta International Art Biennale.

Matthew huwa għalliem tal-arti fejn għallem fil-kulleġġi ta’ San Elija u dak tas-Soċjetà Missjunarja ta’ San Pawl fir-Rabat. Ilu għal 24 sena jgħallem fil-livelli kollha tal-arti  fil-Malta Society of Arts ġewwa l-Belt Valletta. Huwa pparteċipa f’diversi esebizzjonijiet kemm Malta kif ukoll barra minn xtutna u organizza diversi esebizzjonijiet għall-istudenti tiegħu.

Il-każin tas-Società Filarmonica La Vittoria jinsab fil-pjazza tal-Mellieħa ħdejn il-Knisja Arċipretali. Din il-wirja ser tkun miftuħa kuljum sa mis-6.00p.m. sat-8.30p.m. filwaqt li l-Ħdud tkun miftuħa mid-9.30a.m. sa 12.00 u mill-5.30p.m. sat-8.30p.m.

Aħbarijiet Oħra
Attivita'

Fis-Sala Kappella tal-Mirakli fil-Ġnien tal-Mirakli, Ħal Lija se jsir il-festival taċ-ċitru. Hawnhekk se jkun hemm il-bejgħ tal-frott, ikel lokali u inernazzjonali kif ukoll bejgħ tal-prodotti tal-għasel. Il-festival se jsir fl-20…

Attivita'

Skont il-Kummissjoni Għolja tal-Ġnus Magħquda għar-Refuġjati, illum 13.1 miljun persuna fis-Sirja għandhom bżonn għajnuna umanitarja – dan minħabba 8 snin ta’ gwerra ċivili krudili u persekuzzjoni kontra l-Kristjani li ġarrbu…

Attivita'

Amigos huwa grupp magħmul minn żgħażagħ, li jwettqu xogħol volontarju u jagħmel parti mis-Segretarjat Missjonijiet Agostinjan. Ta’ kull sena jwettqu xogħol missjunarju, ‘il barra minn xtutna. Din is-sena jagħlqu 25…

Attivita'

Taħt id-direzzjoni tas-Surmast Etienne Spiteri, il-Banda San Ġiljan se ttella’ kunċert mużikali bl-isem Music from Vienna, li jikkonsisti minn repertorju esiġenti u magħruf tal-kompożitur Awstrijakk Johann Strauss Jr, li żgur…

Aktar