Attivita'
Wirja tal-klieb f’Ħal Luqa

Il-Malta Canine Society ser torganizza l- wirja tar-Rebbiegħa tal- Klieb nhar is- Sibt u l-Ħadd 5 u 6 ta’ Mejju 2018, fil-Montekristo Estates, Ħal Luqa.

Din il-wirja ser tkun qiegħda ssir bħala parti mill-wirja PetExpo li ser tkun qed tittella’ matul dak il-weekend. Is-sinjura Liz Dunhill,  ser tiġġudika l-klieb f’din il-wirja.

200 kelb minn 56 razza differenti ser jikkompetu f’din il-wirja li ser tiftaħ is- Sibt 5 ta’ Mejju 2018 fl- 3.00pm, bil-klassi tal-Junior Handlers, li hija kompetizzjoni miftuħa għal-tfal bejn l-10 u s-17 il-sena. Il-parteċipant bl-akbar numru ta’ punti fl-aħħar tas-sena jirrappreżenta lil  Malta fil-kompetizzjoni Internazzjonali tal-Junior Handlers li ssir waqt l-akbar Dog Show tad-Dinja, Crufts, li ssir f’Marzu ġewwa Birmingham. Is- Sibt jiġu ġġudikati wkoll dawk ir-razzez li jaqgħu taħt il-kategorija tal-Working u Terriers.

Il-Ħadd 6 ta’ Mejju 2018, il- wirja tiftaħ fid- 9.00am bir-razez tal-Gundogs u Toys. Il-wirja tieqaf fin-12.30pm u tkompli waranofsinnhar fit- 2.00pm bir-razez tal-Utility u Hounds, u ssir il-finali fejn ir-rebbieħa kollha tal-gruppi jikkompetu għat-titlu tal-Best In Show.

Il-Malta Canine Society, hija affiljata mal-Maltese National Canine Federation li hija responsabbli mir-reġistrazzjoni u l-ħruġ tal-pedigrees tal-klieb.

Dawk kollha li jixtiequ aktar informazzjoni jistgħu jikkuntattjaw lill-klabb li jkun miftuħ kull nhar t’Erbgħa bejn is-7.30pm u d-9.00pm, fuq in-numru 21234916 jew b’email [email protected], jew billi żżuru l- website uffiċċjali tal-għaqda : www.maltacaninesociety.org

Aħbarijiet Oħra
Attivita'

Fis-Sala Kappella tal-Mirakli fil-Ġnien tal-Mirakli, Ħal Lija se jsir il-festival taċ-ċitru. Hawnhekk se jkun hemm il-bejgħ tal-frott, ikel lokali u inernazzjonali kif ukoll bejgħ tal-prodotti tal-għasel. Il-festival se jsir fl-20…

Attivita'

Skont il-Kummissjoni Għolja tal-Ġnus Magħquda għar-Refuġjati, illum 13.1 miljun persuna fis-Sirja għandhom bżonn għajnuna umanitarja – dan minħabba 8 snin ta’ gwerra ċivili krudili u persekuzzjoni kontra l-Kristjani li ġarrbu…

Attivita'

Amigos huwa grupp magħmul minn żgħażagħ, li jwettqu xogħol volontarju u jagħmel parti mis-Segretarjat Missjonijiet Agostinjan. Ta’ kull sena jwettqu xogħol missjunarju, ‘il barra minn xtutna. Din is-sena jagħlqu 25…

Attivita'

Taħt id-direzzjoni tas-Surmast Etienne Spiteri, il-Banda San Ġiljan se ttella’ kunċert mużikali bl-isem Music from Vienna, li jikkonsisti minn repertorju esiġenti u magħruf tal-kompożitur Awstrijakk Johann Strauss Jr, li żgur…

Aktar