Attivita'
Żur is-siti ta’ Tas-Silġ u Forti Delimara

Nhar is-Sibt, 11 ta’ Mejju, Heritage Malta qed tistieden lill-pubbliku biex jipparteċipa fi żjara mal-kuraturi fis-siti ta’ Tas-Silġ u Forti Delimara.

Peress li l-fdalijiet tat-tempji ta’ Tas-Silġ imorru lura għal aktar minn 4000 sena, il-parteċipanti se jkunu jistgħu jsegwu l-vjaġġ ta’ dan is-sit li jkopri l-maġġoranza tal-fażijiet tal-arkeoloġija ta’ Malta. Is-sit huwa l-aktar popolari għal dak li kien magħruf bħala t-tempju ta’ Ashtarte. Imma x’kien hemm qabel u wara li nbena dan it-tempju?

Il-Forti Delimara hija eżempju klassiku ta’ fortifikazzjoni kostali tal-perjodu Vittorjan li nbniet mill-Inġiniera Rjali lejn l-aħħar tad-19 il-seklu sabiex tiddefendi l-port ta’ Marsaxlokk. Minbarra diversi eżempji ta’ arkitettura militari kontemporanja, il-forti għad għandha erbgħa minn sitt kanuni oriġinali li bħalhom m’għadek issib imkien madwar id-dinja li għadhom armati fuq il-pjattaformi fil-post oriġinali tagħhom.

Il-biljetti jistgħu jinxtraw mis-siti u l-mużewijiet kollha ta’ Heritage Malta, jew online. Jistgħu jattendu sa 40 persuna biss.

Il-parteċipanti huma mitluba jilbsu żraben b’qiegħ ċatt. Is-sit ta’ Tas-Silġ huwa post fejn jitrabbew in-naħal. Dawk li jattendu għal din iż-żjara ma’ jistgħux japplikaw fwieħa, żjut ifuħu jew ammont eċċessiv ta’ prodotti li jipproteġu mill-qawwa tax-xemx. Il-parteċipanti huma mitluba wkoll li jżommu l-bogħod miż-żona fejn jitrabba’ n-naħal u li ma jagħmlux ħsara lil dawn l-insetti.

Il-kuraturi se jkunu qed jakkumpanjaw u jiggwidaw lill-grupp. Se jiġi provdut trasport bejn iż-żewġ siti li jitlaq minn Tas-Silġ u mbagħad jirritorna fl-istess post wara ż-żjara fil-Forti Delimara.

Il-parteċipanti għandhom jiltaqgħu ħdejn il-Kappella Tas-Silġ, Triq Delimara, Marsaxlokk.

Prezz: €12 (adulti), €10 (membri, anzjani u studenti), €8 (tfal).

Ħin: mid-09.00am sas-1.00pm

Għal aktar informazzjoni, żur is-sit www.heritagemalta.org

Aħbarijiet Oħra
Attivita'

On Friday 9th August Pjazza Teatru Rjal presents the third edition of Notte Italiana. It has become somewhat of a tradition that we usher in the month of August with…

Attivita'

Bħal-lum ġimgħa, il-Ġimgħa 19 ta’ Lulju 2019, l-Orkestra Filarmonika Nazzjonali se tkun qed tesegwixxi Programm Mużikali bl-isem ta’ ‘Swing Summer Night’ fil-Każin San Gejtanu fit-8pm. Id-dħul għal dan il-Programm Mużikali…

Attivita'

Fis-26 ta’ Lulju, fiċ-Ċittadella, il-Kumitat Ċelebrazzjonijiet Nazzjonali u Reġjonali fi ħdan il-Ministeru għal Għawdex, se jikkommemora l-Assedju ta’ Għawdex 1551  bi dramm. Id-dramm imqassar tal-Isqof Ġużeppi Cauchi ”Jasar u Fidwa”…

Aktar