Dr Valerie Fiott il-Kap Eżekuttiv Legali l-ġdid tal-BOV

Il-Bank of Valletta ħabbar l-ingaġġ ta’ Dr Valerie Fiott bħala l-Kap Eżekuttiv Legali l-ġdid.  Hija se tkun qed tirrapporta direttament lill-Kap Eżekuttiv tal-Bank u ser tkun l-ogħla uffiċjal fi ħdan l-istruttura legali tal-Bank.

Fi stqarrija, il-BoV qal li Dr Valerie Fiott gradwat b’Dottorat fil-Liġi mill-Università ta’ Malta fl-1984. Sussegwentament ingħatat borża ta’ studju fl-Ingilterra fejn kellha l-opportunità taħdem mill-qrib mal-Qorti tal-Familja tar-Renju Unit.  Lura f’Malta, Valerie ħadmet għal numru ta’ snin fil-Qorti ta’ Malta, fejn kellha numru ta’ rwoli, inkluż dak ta’ Deputy Registar fil-Qorti Kummerċjali.

Dr Fiott ingħaqdet mal-Bank of Valletta fl-1996, u minn dakinhar okkupat diversi rwoli fi ħdan l-Uffiċċju legali tal-Bank, inkluż dak tal-avukat responsabbli mir-riviżjoni tal-kuntratti.  Preżentement, Dr Fiott tokkuppa l-irwol ta’ Kap  fid-Diviżjoni tal-Kuntratti tal-Bank.

Dr Valerie Fiott hija s-suċċessur ta’  Dr Michael Borg Costanzi, li ser ikun qed jieħu l-early retirement wara karriera ta’ 35 sena mal-Bank of Valletta. Huwa kien ilu jokkupa l-kariga ta’ Chief Officer Legal Services mill-2008.

Aħbarijiet Oħra

Ħarsa lejn l-istejjer ewlenin fil-ġurnali tal-lum, it-Tlieta, 28 ta’ Jannar 2020 L-Orizzont Storja fil-faċċata tal-Orizzont tgħid li bosta huma dawk il-partitarjiNazzjonalisti li fil-miftuħ-għamluha ċara li ma jaqblux lil-PN jibdel ismu….

Il-ħatra tad-deputat Konrad Mizzi bħala Kap tad-Delegazzjoni Maltija fl-Assemblea Parlamentari tal-Organizzazzjoni dwar is-Sigurtà u l-Kooperazzjoni fl-Ewropa se tkun irtirita u fl-istess waqt il-Gvern talab parir legali dwar il-validità ta’ kuntratt…

Aktar