Ħarsa lejn il-ġurnali tal-llum

 

In-Nazzjon

Il-ġurnal b’ritratt tal-Prim Ministru Joseph Muscat u titlu li jgħid li wara li tħabbru l-ogħla karigi fi ħdan il-kunsill Ewropew, tisfuma fix-xejn il-ħolma ta’ Dr Muscat li jsir il-President tal-Kunsill Ewropew.  L-istorja tgħid li saru snin ta’ lobbying u manuvri fi Brussell biex Dr Muscat jikseb kariga ogħla iżda dan issa tar mar-rih.  L-istorja tgħid ukoll li hemm inċertezza dwar x’se jiġri issa fit-tmexxija tal-Partit Laburista.

Storja oħra fuq il-faċċata tgħid li ilbieraħ tressqet petizzjoni miġbura minn 4,330 tesserat u 530 kunsillier tal-Partit Nazzjonalista li qed jappellaw għall-għaqda fil-Partit.  Illejla se jitlaqqa’ l-eżekuttiv tal-Partit Nazzjonalista li mistenni jiddiskuti l-petizzjoni li tressqet il-ġimgħa li għaddiet u jeleġġi il-President tal-kunsill amministrattiv, teżorier u President tal-eżekuttiv.

 

The Times

Fuq il-faċċata ta’ dan il-ġurnal insibu ritratt ta’ mudella fit-teatru Manwel tippoża b’libsa li ġiet ikkreata minn materjal riċiklat bħala parti mill-kollezzjoni tal-istilista James Dimech

Storja oħra fuq il-faċċata tgħid li qed issir sejħa biex il-Prim Ministru Joseph Muscat jibqa’ fil-kariga ta’ Prim Ministru hekk kif ma rnexxilux jikseb kariga għola fl-Unjoni Ewropea.  Fir-rapport jingħad li Dr Muscat jista’ jinnomina ruħu għall-kariga ta’ Kummissarju Ewropew iżda qed jingħad li qed issirlu pressjoni biex jibqa’ Prim Ministru tal-pajjiż u jibqa’ jmexxi sal-elezzjoni ġenerali li jmiss.

Rapport ieħor fuq il-faċċata dwar dak li ġara l-Qorti lbieraħ meta ħareġ li mhux ċar min qatel lill-immigrant Lassana Cisse f’April li għadda.  Fix-xhieda tiegħu, Dylan German li jiġi l-kuġin tal-akkużat Francesco Fenech fil-Qorti ta verżjoni differenti dwar l-involviment ta’ kuġinuh fil-qtil ta’ Lassine. Dan għaliex waqt l-investigazzjoni meta huwa ukoll kien qed jiġi interrogat, implika li kuġinuh kien qallu li kien mal-akkużat l-ieħor Lorin Scicluna meta seħħ il-qtil.

 

L-Orizzont

Fuq il-faċċata  il-ġurnal jirraporta dak li qal ilbieraħ il-Prim Ministru Joseph Muscat waqt żjara fi Praga, li se jibqa’ jmexxi lill-pajjiż b’aktar entużjażmu.

Storja oħra fuq il-kwistjoni tal-bdoti tal-Airmalta, bil-Ministru Konrad Mizzi jgħid li ma l-irwol tal-Gvern hu li jibqa’ jinvesti fl-Airmalta iżda mhux li jkun ostaġġ ta xi wħud, u li l-Gvern ma jistax jarmi l-flus u jiggarantixxi dak li hu mpossibbli.

Storja oħra tgħid li Riccarda Darmanin hija l-unika waħda nominata għall-kariga ta’ Segretarju tat-taqsima professjonistii, Finanzi u Servizzi fi ħdan il-GWU.

 

The Malta Independent

Il-ġurnal b’ritratt dwar il-protesti li issa ilhom għaddejjin f’Hong Kong minn dawk li ma jridux li l-Gvern ċentrali taċ-Ċina jindaħal fit-tmexxija ta’ Hong Kong li għal diversi snin kienet meqjusa bħala awtonoma.

Fuq il-faċċata wkoll ir-rapport mill-Qorti dwar ix-xhieda li ta il-kuġin ta’ wieħed mill-akkużati   dwar il-qtil ta’ Lassana Cisse f’April li għadda.

Rapport ieħor dwar il-kwistjoni tal-bdoti tal-Airmalta bit-titlu jgħid li la l-Airmalta u lanqas il-Ministeru tat-turiżmu ma għamel kuntatt għat-tkomplija tat-taħdidiet mal-bdoti.

Aħbarijiet Oħra

Vivamus magna justo, lacinia eget consectetur sed, convallis at tellus. Vestibulum ac diam sit amet quam vehicula elementum sed sit amet dui. Nulla quis lorem ut libero malesuada feugiat. Curabitur…

Aktar