Kronaka
AĠĠORNAT: Żewġ tfajliet iweġġgħu gravi f’ħabta bejn 4 karozzi f’Pembroke

Għaxar persuni ttieħdu l-isptar Mater Dei għall-kura wara li kienu involuti f’inċident tat-traffiku fi Triq Sant Andrija f’Pembroke, kif taqbeż l-iskola nazzjonali tal-isport, direzzjoni lejn San Pawl il-Baħar.

L-inċident seħħ għall-ħabta tal-4.00 ta’ dalgħodu, meta għal xi raġuni seħħet ħabta bejn erba’ karozzi; Volkswagen Passat misjuqa minn raġel ta’ 42 sena mill-Isla, Fiat 500 misjuqa minn mara ta’ 21 sena mis-Swieqi, Toyota Yaris misjuqa minn raġel Taljan ta’ 33 sena minn Raħal Ġdid, u Nissan Micra misjuqa minn mara ta’ 23 sena.

Il-mara li kienet qed issuq il-Fiat, kif ukoll tfajla Taljana ta’ 16-il sena minn San Ġwann li kienet riekba fin-Nissan, indarbu gravi.

Ħamsa oħra, tliet irġiel, wieħed ta’ 42 sena mill-Isla, Taljan ta’ 33 sena li jgħix Raħal Ġdid u Taljan ieħor ta’ 16-il sena li jgħix Birkirkara flimkien ma’ żewġ tfajliet waħda ta’ 23 sena u l-oħra Taljana ta’ 17-il sena li tgħix Ħal Għargħur, ġarrbu ġrieħi ħfief.

Tliet persuni oħra, Taljan ta’ 19-il sena li jgħix il-Mosta, ġuvni ta’ 16-il sena u tfajla ta’ 17-il sena li tgħix Bugibba ma sofrewx ġrieħi.

Aħbarijiet Oħra
Kronaka

Il-Pulizija qed tinvestiga serqa li saret minn ħanut fi Triq Sant’Anna, il-Mosta li fiha nsteraq ammont ta’ flus kontanti/ Fi stqarrija kelliem għall-Pulizija qal li l-inċident seħħ ilbieraħ għall-ħabta tal-ħamsa…

Annimali

F’park tal-annimali fl-Imtaħleb is-sidien Christopher Borg u Oksana qisha twieldet tarbija ġdida fil-park, din id-darba l-ewwel ferħ tal-koppja orsijiet Yoggi u Paddy. Yoggi li hija l-ors femminili u Paddy li…

Knisja Maltija

L-Arċisqof Charles J Scicluna qal li Malta għandha bżonn is-solidarjetà ta’ kulħadd. L-isqfijiet Maltin qed jattendu konferenza f’Bari dwar l-immigrazzjoni u l-paċi fil-mediterran. F’intervista qabel il-konferenza, l-Arċisqof Scicluna qal li…

Unjoni Ewropea

Il-ħruġ tar-Renju Unit mill-Unjoni Ewropea se jfisser mas-sittin biljun ewro inqas fil-Budget li jmiss tal-Unjoni Ewropea li jkopri s-seba’ snin li ġejjin. Il-President tal-Kunsill Ewropew, Charles Michel qed jipproponi li…

Aktar