Knisja Maltija
100 soru Agostinjana jiċċelebraw il-125 sena f’Malta

L-iżgħar soru għandha 26 sena u l-ikbar waħda 95 sena, u għada l-Ħadd dawn għandhom ħolma li jlaqqgħu l-ġenerazzjonijiet ta’ studenti preżenti u passati u l-familji tagħhom. Il-kongregazzjoni Agostinjana qed torganizza festa fl-iskola Santa Monika f’B’Kara, biex tiċċelebra il-125 sena minn mindu l-kongregazzjoni ġiet f’Malta.

Is-sorijiet Agostinjani sibnihom għaddejjin bi ħġarhom bi tħejjijiet għal attività li lkoll daħlu għaliha b’ruħhom u ġisimhom. Żorna l-komunità tagħhom fl-iskola Santa Monika f’Birkirkara fejn is-sorijiet qed jippreparaw għall-ħolma tagħhom li jlaqqgħu ħafna nies li b’xi mod kellhom x’jaqsmu mal-iskejjel ta’ Santa Monika f’Malta.

Swor Celsina qalet “dħalt fil-55 kelli 17..it-tfal inħobbhom ħafna.”

Swor Atanasia qalet “għandi kważi 80, kont superjura ġenerali ta’ kullimkien.”

Min jattendi minbarra li jista’ jduq l-ikel bnin mill-kċina tagħhom, se jieħu doża pożittiva ta’ dawn is-sorijiet.

Swor Marica qalet “f’dan iż-żmien komplejna l-kariżma ta’ Tereza Spinelli, bis-sisters fetħu l-ewwel skola f’Ħal Qormi.”

Swor Claudia qalet ”ili fil-ħajja reliġjuża 12 -il sena, mat-tfal u żgħażagħ.”

Swor Rachel qalet li din hija “ħajja ta’ sodisfazzjon ferħ u mħabba.”

Qabel ħallewna Swor Rachel flimkien mas-sorijiet bdew ikantaw bil-ferħ bi tħejjija għall-quddiesa speċjali tal-Ħadd fl-iskola tagħhom li ser tkun ikkoċelebrata mill-Arċisqof Charles Scicluna.

Aħbarijiet Oħra
Lokali

Il-gvern ħabbar il-ftuħ tal-istaġun tal-insib tal-ħarifa għal żewġ speċi: il-pluviera u l-malvizz. Fi stqarrija tas-Segretarjat Parlamentari għall-Biedja, Sajd u Drittijiet tal-Annimali ntqal li wara li evalwa r-rakkomandazzjonijiet tal-kumitat Ornis, l-istaġun…

Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar