Lokali
11-il sena wara jibda ġuri fuq traffikar ta’ nofs kilo eroina

Fil-Qorti kriminali beda l-ġuri ta’ Herman McKay ta’ 34 sena mill-Marsa li jinsab mixli bi traffikar ta’ nofs kilo eroina.

L-akkużat ġie arrestat f’nofs Awwissu tal-2007 fi Triq is-Serkin il-Marsa wara li l-Pulizija irċeviet tagħrif li kien qed jittraffika d-droga.

Kif il-Pulizija kienu resqin lejn il-karozza ta’ McKay, ipprova jarmi ċ-ċwievet iżda fil-pront inqabdu minn kuntistabbli li kif fetaħ il-karozza, l-akkuzat mar jiġri fuq in-naħa tas-sewwieq u beda jxerred il-kontenut tal-pakkett fit-triq. Il-Pulizija rnexxilhom iwaqfuh hekk kif ipprova jagħmel l-istess b’pakkett ieħor. Aktar tard, testijiet fil-laboratorju kkonkludew li kien hemm ftit aktar minn 530 gramma eroina b’purità ta’ 23% u b’valur fis-suq ta’ kważi €25,000.

Fuq l-akkużat kienu nstabu tliet mobile phones u €1,900.

Erba’ snin ilu żball fil-proċedura wassal biex ġie annullat l-att ta’ akkuża u l-proċeduri kellhom jibdew mill-ġdid.

Min-naħa tiegħu l-akkużat wieġeb mhxu ħati għall-akkużi miġjuba kontrih.

Il-każ qiegħed jinstema’ mill-Imħallef Antonio Mizzi. L-Avukati Justine Cilia u Elaine Mercieca qed jidhru għall-Avukat Ġenerali u l-Avukati Franco Debono u Marion Camilleri huma d-difiża.

Aħbarijiet Oħra
COVID-19

Illum ġew irrapportati 2 każijiet ġodda wara li fl-aħħar 24 siegħa saru 1,374 swab test. Skont l-aħħar aġġornament ippubblikat mill-Ministeru għas-Saħħa fuq Facebook, fiequ 11-il persuna oħra. Dan ifisser li…

Relazzjonijiet Industrijali

Erbgħin minn total ta’ madwar 120 membru tal-ekwipaġġ tal-linja tal-ajru Malta Air, li hi sussidjarja ta’ Ryanair, ilbieraħ tard filgħaxija rċevew ittra li b’effett mit-30 ta’ Ġunju li ġej l-impjieg…

Unjoni Ewropea

Matul l-2019, il-MEUSAC tellgħet 34 attività pubblika u laqgħat ta’ konsultazzjoni u 39 sessjoni għat-tfal u għall-istudenti dwar l-Unjoni Ewropea (UE). Saru wkoll 5 sessjonijiet ta’ taħriġ u 300 laqgħa…

Avjazzjoni

Kmieni dalgħodu wasal Malta f’titjira diretta miċ-Ċina ajruplan kbir tal-għamla Airbus A340-600 operat mil-linja tal-ajru Maleth-Aero u reġistrat Malta. L-ajruplan beda l-vjaġġ ta’ madwar 11-il siegħa minn Nanjing fiċ-Ċina biex…

Aktar