Ambjent
117-il persuna mħarrka fuq skart domestiku mormi b’mod illegali

117-il persuna nqabdu joħorġu skart f’dati li mhux suppost jew mill-ġurnata ta’ qabel mill-Awtorità għall-Ambjent u r-Riżorsi.

Dawn il-persuni, kemm Maltin kif ukoll ta’ nazzjonalità barranija, ġew imħarrka multa ta’ €150 u l-iktar li nqabdu jarmu illegalment kienu persuni fl-inħawi tal-Qawra u Buġibba (55), segwit minn Marsaskala (26).

Fi stqarrija, l-ERA qalet li mal-14-il uffiċjal mid-Direttorat tal-Infurzar tal-ERA qed iwettqu rondi darbtejn kull ġimgħa madwar Malta u Għawdex, fejn qed  joħorġu multi ta’ €150 meta jaqbdu persuni jiksru l-liġi fil-fatt. Dawn ir-rondi jsiru kemm tul il-jum u kif ukoll minn filgħaxija sa tard fil-lejl. L-ERA qalet ukoll li l-uffiċjali qabdu wkoll persuni jisirqu l-boroż tal-iskart organiku, li qalet huwa wkoll meqjus att illegali.

Il-Kap tad-Direttorat, Mario Schembri appella lill-pubbliku biex isegwi l-ħinijiet u r-regoli stipulati mill-liġi, kif indikat mill-Kunsilli Lokali rispettivi filwaqt li fakkar li l-multi huma ta’ €150, u jekk każ jittella’ l-Qorti, l-ispejjeż jistgħu jitilgħu iktar.

Il-Local Enforcement System Agency (LESA) huma ukoll responsabbli għall-infurzar fuq ir-rimi ta’ skart domestiku. Dan ir-rwol tal-ERA ta’ infurzar huwa separat mir-rwol tal-ġbir tal-iskart.

Aħbarijiet Oħra
COVID-19

L-Assoċjazzjoni Medika Maltija, MAM, u l-Union tal-Infermiera u l-Qwiebel, MUMN, ħabbru azzjoni industrijali fid-dawl li l-attivitajiet tal-massa ma twaqqfux milli jiġu organizzati waqt il-pandemija tal-Covid. Il-MAM ordnat sensiela ta’ direttivi…

Lokali

Bejn din is-sena u s-sena li ġejja fiż-żona tat-tlett ibliet u l-Kalkara se jkunu qed isiru mal-25 proġett ta’ restawr varji fosthom fuq il-Forti Ricasoli, s-swar ta’ Santa Margerita u…

Lokali

Melvin Theuma, l-intermedjarju fil-qtil ta’ Daphne Caruana Galizia, baqa’ f’qagħda stabbli. Fi stqarrija l-Pulizija qalet li Theuma għadu fit-taqsima tal-ENT fl-isptar Mater Dei. It-Tlieta 21 ta’ Lulju 2020, Theuma nstab…

COVID-19

L-organizzaturi tal-attivitajiet li jinqabdu jiksru r-regoli tal-miżuri mħabbra mill-Awtoritajiet tas-Saħħa biex iwaqqfu l-imxija tal-Covid-19 jistgħu jeħlu multa ta’ €3,000 għal kull miżura li jiksru. Dan tħabbar illum f’avviż legali ppubblikat…

Aktar