COVID-19
13-il każ ġdid ta’ Covid-19 f’Malta – telgħu għal 412

Illum tħabbru 13-il każ ġdid ta’ Covid-19 f’Malta biex issa l-ammont totali ta’ infezzjonijiet tela’ għal 412-il każ. Minn dawn, 3 tilfu ħajjithom u 82 huma mfejqa.

Is-Supretendent tas-Saħħa Pubblika, Charmaine Gauci, qalet li lbieraħ saru 1,022 swab. Żiedet li Malta hija t-tielet l-iktar pajjiż fid-dinja li qed jagħmel swabs.

It-13-il każ ġdid jinvolvu anzjana ta’ 96 sena li daħlet l-isptar bi qtugħ ta’ nifs u minn test li sarilha nstabet li hi pożittiva.

Mara Maltija ta’ 59 sena u raġel Malti ta’ 60 sena ukoll irriżultaw pożittivi u f’kull każ qarib wieħed biss seta kien espost.

Mara ta’ 22 sena li taħdem bħala healthcare worker f’San Vincenz irriżultat pożittiva wara li kellha kuntatt mal-anzjana pożittiva għall-Covid-19 fil-jiem li għaddew. Hija kienet qed tinżamm kwarantina.

Raġel ieħor ta’ 44 sena kien għadu jmur għax-xogħol meta żviluppa sintomi ta’ dijarea u konġestjoni f’imnieħru u għalhekk qed isir contact tracing ta’ kollegi li setgħu ġew esposti.

Mara ta’ 46 sena rriżultat pożittiva wara li bdew juġgħuha griżmejha fid-9 t’April. Hija ma kinetx qed taqdi lin-nies mill-ħanut tagħha iżda kienet qed tagħmel deliveries id-dar tagħhom. Il-Professur Gauci qalet li l-awtoritajiet tas-saħħa se jkunu qed jikkomunikaw man-nies li rċevew deliveries mingħand din il-mara.

Tliet irġiel barranin li jgħixu Malta ukoll irriżultaw pożittivi. Dawn huma wieħed ta’ 28 sena minn Sri Lanka li kien kuntatt ta’ każ li tħabbar qabel u kien fi kwarantina; raġel ieħor ta’ 38 minn New Guinea u Ingliż ta’ 58 sena li rriżulta pożittiv wara li daħal l-isptar għal affarijiet oħra. Huwa ma kellux sintomi tal-Covid-19.

L-erba’ każijiet oħra, huma ta’ immigranti miċ-ċentru miftuħ ta’ Ħal Far. Dawn huma kollha rġiel, wieħed ta’ 40 sena mill-Bangladesh, ieħor ta’ 33 sena mill-Gambia u tnejn mis-Sudan wieħed ta’ 33 u l-ieħor ta’ 38 sena.

Sadanittant tista’ ssegwi l-konferenza sħiħa hawn:

Gepostet von Television Malta am Donnerstag, 16. April 2020

Ara wkoll:

Il-kwarantina fiċ-ċentru tal-immigranti ta’ Ħal Far se tiġi estiża

L-ammont ta’ każijiet f’Malta għadu qed jiżdied

Mappa turi li l-aktar żona li fiha jgħixu persuni bil-Covid-19 f’Malta hija fiċ-ċentru

Aħbarijiet Oħra
Safar

Permezz ta’ post fuq Facebook, il-linja nazzjonali tal-ajru, l-Air Malta qalet li qed tipprepara għall-mod ġdid ta’ vjaġġar u avżat li mill-1 ta’ Ġunju 2020 il-passiġġieri jridu bilfors jilbsu maskra…

Trasport

Ħafna mis-servizzi ta’ trasport bl-ajru u l-baħar waqfu jew naqqsu sew mill-frekwenza. Mhux l-istess jista’ jingħad għat-trasport pubbliku li bħala servizz essenzjali baqa’ għaddej b’mod regolari anke tul il-perjodu tal-pandemija….

COVID-19

Il-pandemija ħarbtet il-pjani ta’ ħafna koppji li kellhom jiżżewġu f’dan il-perjodu ferm imfittex tas-sena u spiċċaw kellhom jipposponu ż-żwieġ tagħhom. Skont ċifri ta’ Identity Malta fl-aħħar xahrejn u nofs aktar…

COVID-19

Baqgħu isiru l-ispezzjonijiet biex ikun assigurat li l-pubbliku qed jobdi l-avviżi legali ntiżi biex irażżnu l-imxija tal-coronavirus. Fl-aħħar 24 siegħa nstabu seba’ persuni f’ġemgħat t’aktar minn 6 persuni f’postijiet pubbliċi skont…

Aktar