Lokali
150 ċiklist jisfidaw ix-xita u jaqdfu waqt ġirja bir-rota

Il-Malta National Electromobility Platform fi ħdan Transport Malta qed tikkordina diversi inizjattivi u attivitajiet marbuta mal-Ġimgħa Ewropea Tal-Mobbiltà. It-tema għal din is-sena hija “Multimodality – Mix and Move”. Din it-tema tinkoraġġixxi modi differenti tat-trasport u mhux biss il-vetturi.

150 ċiklist il-Ġimgħa filgħodu sfidaw il-maltemp u x-xita, li kultant kienet bil-qliel, u ħadu sehem fil-Ġirja bir-Rota li saret fl-okkażjoni tal-Ġimgħa Ewropea tal-Mobbilità. Din l-attività saret biex tippromovi miżuri sostennibbli ta’ mezzi alternattivi ta’ trasport li jtejbu l-kwalità tal-ħajja billi titnaqqas il-konġestjoni tat-traffiku u t-tniġġis tal-arja.

Uħud minn dawk li ħadu sehem fil-ġirja ta’ 20 kilometru, qalu li jkunu lesti juzaw iżjed ir-rota jekk it-toroq ikunu maħsuba għaċ-ċiklisti.

Michelle Attard Tonna, il-President tal-Bicycle Advocacy Group qalet “ir-rota ma tintużax biss għall-eżerċizzju imma hawn ħafna nies li jużawha għax-xogħol għal qadi u għal ħajja”.

Il-Jum Nazzjonali mingħajr karozzi ser issir is-Sibt fi Triq ix-Xatt f’Tas-Sliema u l-Gżira, bejn l-10am u l-4pm meta l-karozza ser iċedu t-triq għan-nies.

Aħbarijiet Oħra
Stejjer Umani

Tfajla ta’ 24 sena bil-kundizzjoni Bi-Polar qalet li minn ħajja solitarja u dipressiva, illum qed tgħix ħajja feliċi grazzi għal mara li qed tiddedika ħajjitha għal żgħażagħ b’diżabiltà. Fiona Ellul…

Lokali

Fis-sajf li ġej, grupp ta’ ċiklisti mil-LifeCycle ser jaqdfu elfejn kilometru fi tliet pajjiżi fl-Ażja biex ikomplu jinġabru fondi għar-riċerka fuq il-mard tal-kliewi u biex tkun iffinanzjata għajnuna psikoloġika għall-pazjenti…

Kultura

Fil-Mużew Marittimu fil-Birgu se jkun hemm esebizzjoni li tiċċelebra l-legat tal-esploratur marittimu, Jacques Cousteau, u l-konnessjoni tiegħu ma’ Malta permezz tal-vapur ‘Calypso’, li wara li baħħar bi vjaġġi bejn Malta…

Sport

Kumpanija Maltija li bbenefikat mill-programm nazzjonali ta’ Riċerka u Innovazzjoni, Fusion, bdiet tipproduċi sistemi ta’ dawl LED biex jintużaw f’kumplessi sportivi. F’kollaborazzjoni ma’ SportMalta, il-kumpanija Altern bdiet tinstalla sistema ta’…

Aktar