150 sena tas-Soċjeta Mużikali Santa Katerina

Iż-Żurrieq qed jerġa jilbes il-libsa tal-festa, u għalkemm mhux kollox hu armat, l-attivitajiet diġa bdew. Din is-sena, l-attivitajiet bdew ġimgħa qabel billi s-soċjeta’ mużikali Santa Katerina qed tiċċelebra il-150 sena mit-twaqqif tagħha.

Is-Soċjeta’ Mużikali Santa Katerina taż-Żurrieq qed tiċċelebra festa itwal minn tas-soltu, fl-okkażjoni tal-150 sena mit-twelid tagħha. Ġimagħtejn qabel il-festa titulari ġie inawgurat xogħol ta’ restawr fil-faċċata ta’ Palazzo Alexandria, is-sede tas-soċjetà, bl-attivitajiet biex ifakkru l-anniversarju jissuktaw fl-għaxart’ijiem li ġejjin.

Il-qofol iżda tibqa’ l-mużika, bil-banda tal-istess soċjeta tkun impenjata aktar mis-soltu kemm fil-lokalita’ u anke barra.

Is-segretarju tas-soċjeta mużikali, Kevin Schembri, qal lil tvm.com.mt li f’dawn il-jiem il-banda se ddoqq ġeneri differenti ta’ mużika, mill-marċi tradizzjonali sa mużika moderna.

L-ewwel ħjiel tal-preżenza ta’ din is-soċjetà mużikali tinsab f’dokumenti tal-istoriku Achille Ferris fejn ingħad li numru ta’ persuni daqqew waqt il-festa ta’ Santa Katerina taż-Żurrieq f’Novembru tal-1864.

Ix-xahar li għadda, il-banda siefret għas-seba darba fl-istorja tagħha, meta marret fil-Blackforest, il-Ġermanja b’kontinġent ta’160 persuna. Hemm esgwew żewġ kunċert mużikali kif ukoll marċ fit-toroq tal-lokal. Din il-mawra issa se tiġi reċiprokata billi The Upper Rhine Youth Wind Band, s-Sibt li ġej se tasal Malta biex tieħu sehem fil-jiem tal-festa.

Matul il-150 sena tagħha, l-aspett mużikali ta’ din is-soċjeta’ mhux dejjem kien kompost minn banda biss, billi kellha wkoll orkestra, kif strumenti mużikali esebiti fil-mużew tal-istess soċjetà.

Aħbarijiet Oħra
Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Saħħa

Waqt attività tal-għoti tad-demm organizzata mill-Awtorità għall-Ambjent u r-Riżorsi, 30 ħaddiem tal-awtorità nkiteb biex l-organi tiegħu jingħataw b’donazzjoni wara mewtu. Waqt l-istess attivtà, 19-il persuna oħra taw id-demm. L-ERA stiednet…

Forzi Armati

Post pożittiva fuq il-paġna ta’ Alison Bezzina, li tiġġieled għad-drittijiet tal-annimali, turi kif żewġt iklieb reġgħu ngħaqdu ma’ sidhom wara li nġabru minn membri tal-Forzi Armati. Bezzina qassmet din l-aħbar…

Aktar