Lokali
16-il voluntier se jisfidaw l-elementi kollha u jitilgħu sal-quċċata tal-Muntanja Kilimanjaro

Lejn l-aħħar ta’ din is-sena, sittax-il voluntier se jisfidaw l-elementi kollha u jitilgħu sal-quċċata tal-Muntanja Kilimanjaro fit-Tanzanija. Dan b’għan nobbli biex jinġabru fondi għal proġetti soċjali u edukattivi fl-Etjopja.

It-tim ta’ żgħażagħ li din is-sena se jipparteċipaw fit-tlettax-il edizzjoni tal-Kilimanjaro Challenge ilu jitħarreġ minn Marzu u mistenni jtir lejn l-Afrika fl-aħħar tas-sena. Hemmhekk se jqattgħu l-ewwel tmint ijiem f’espedizzjoni fuq il-muntanja Kilimangaro u wara jmorru l-Etjopja sabiex jinawguraw skola primarja f’Bonga.

F’konferenza tal-aħbarijiet, Austin Cachia wieħed mill-organizzatur tal-Kilimanjaro Challenge qal li din l-iskola ta’ żewġ sulari fiha 12-il klassi. Qal li fir-rahal ta’ Bonga ma kien hemm ebda skola primarja.

Austin Cachia qal “aħna dejjem nemmnu li l-edukazzjoni huwa s-sigriet li tneħħi n-nies mill-faqar. L-edukazzjoni hija l-qasba biex it-tfal u n-nies tal-madwar joħorġu mill-faqar u jkollhom l-iklla ta’ kuljum …. Aħna se nibnu din l-iskola għat-tfal ta’ bejn is-7 u 12-il sena. Se jkun hemm madwar 450 tifel u tifla”

L-isfida ta’ din is-sena hija li jinġabru €100,000. Keith Marshall, il-fundatur tal-Kilimanjaro Challenge qal li l-proġetti li saru fl-aħħar 12-il sena kienu suċċess, kemm min-naħa tal-voluntiera kif ukoll mill-fondi li nġabru għal dawn il-proġetti.

Qal li nġabru aktar minn €820,000 permezz tal-Kilimanjaro Challenge, li binhom inbnew skola servew u dar għal mitt tifel u tifla bi bżonnijiet speċjali, klinika u erba’ skejjel f’irħula differenti fl-Etjopja.

Aħbarijiet Oħra
Ekonomija u Finanzi

Skont stimi proviżorji tal-Uffiċċju Nazzjonali tal-Istatistika, fit-tielet kwart ta’ din is-sena l-ekonomija Maltija kibret b’5.5 fil-mija meta mqabbel mal-istess perjodu s-sena li għaddiet. F’termini reali t-tkabbir kien ta’ 3.4 fil-mija….

Qorti

Dr Victoria Buttigieg inħatret bħala l-ewwel Avukat tal-Isat wara li ġiet rakkomandata b’mod unanimu minn Kummissjoni ta’ Ħatra fi tmiem sejħa pubblika. Dan rwol Kostituzzjonali ġdid riżultat tal-liġi li ġiet…

Politika

Id-Deputat Laburista Robert Abela qal li b’umiltà lest li joffri l-ftit li jaf biex ikun parti mil-bidla ħalli Malta tiġi lura l-ġojjell li kienet f’qasir żmien. Fuq Fabebook, Dr Abela…

Lokali

L-ex Chairperson ta’ Alternattiva Demokratika, Dr Harry Vassallo nħatar bħala Chairperson tal-Kummissjoni Gwardjan tal-ġenerazzjonijiet futuri li fost l-oħrajn hi responsabbli li tqajjem aktar għarfien dwar kwistjonijeit prattiċi tal-iżvilupp sostenibbli u…

Aktar