Barranin
17-il sena wara għadhom qed jiġu identifikati l-vittmi mid-DNA

Minkejja li għaddew 17-il sena mill-attakk terroristiku tal-11 ta’ Settembru fl-Istati Uniti, għad fadal mal-1,000 vittma li għadhom ma ġewx identifikati.

Madanakollu, l-avvanzi fil-mediċina jistgħu jkunu kruċjali, tant li bit-testijiet tad-DNA minn tim t’esperti fil-qasam forensiku jista’ jkun li jirnexxielhom isibu l-identità ta’ dawk li baqgħu ma ġewx identifikati s’issa.

Minn materjal ġenetiku li ġabru minn Ground Zero, il-post fejn kien hemm iż-żewġ torrijiet taċ-Ċentru Dinji tal-Kummerċ, l-esperti ħabbru li għandhom teknika ġdida li permezz tagħha jieħdu biċċiet mill-għadam f’kamra bil-likwidu tan-nitroġenu fejn l-għadam ikun jista’ jitfarrak u jsir trab fin ħafna.

Iktar mal-għadam jitfarrak, iktar hemm ċans li jirnexxilhom jieħdu d-DNA minnhom f’tentattiv biex jaslu għall-identifikazzjoni tal-persuna li tilfet ħajjitha f’dan l-agħar attakk terroristiku li qatt seħħ fl-Istati Uniti.

Filwaqt li din l-iskoperta qed titqies bħala l-ikbar fl-istorja forensika tal-Istati Uniti, dan l-iżvilupp fetaħ il-ġerħa lill-familji tal-vittmi li ndifnu fil-miżbla ta’ Fresh Kills Landfill fi Staten Island mingħajr ma ġew identifikati.

Fil-11 ta’ Settembru, il-grupp terroristiku Al-Qaeda wettaq numru ta’ attakki kkordinati f’siti strateġiċi Amerikani permezz ta’ ajruplani li nħatfu minn terroristi li fihom mietu ftit inqas minn 3,000 ruħ.

Ara hawnhekk kif qed isiru dawn it-testijiet ġodda tad-DNA biex jiġu identifikati l-vittmi u x’intqal minn xi esponenti tal-OCME, l-ikbar laboratorju forensiku fl-Istati Uniti.

 

 

Aħbarijiet Oħra
Familja

Kartolina ta’ jum il-missier tefgħet raġel f’baħar ta’ inkwiet hekk kif kixfitlu għawwaru kollu. F’intervista ma’ The Sun, omm qalet li kartolina li sabet f’qiegħ ta’ kexxun qelbitilha ħajjitha ta’…

Familja Rjali

Id-Dukessa ta’ Sussex Meghan Markle żvelat x’kellha mistur fil-libsa tat-tieġ. Minkejja li għajnejn bosta kienu fuq il-libsa li kienet liebsa meta żżewġet lill-Prinċep Harry, ħadd ma nduna li fil-libsa kellha…

Barranin

Il-Mexxejja tal-Iran qed jitfgħu r-responsabbiltà fuq lill-istati li għandhom l-appoġġ tal-Istati Uniti tal-attakk li seħħ waqt parata militari fejn inqatlu 25 persuna. L-Iran sejjaħ lid-diplomatiċi tar-Renju Unit, in-Netherlands u anke…

Barranin

Chas Hodges, il-kantant ta’ Chas and Dave tilef il-ġlieda kontra l-kancer u miet dalgħodu fl-eta ta’ 74 sena. Il-grupp Chas and Dave kisbu l-fama fl-1970 bil-kanzunetti popolari tagħhom ‘Rabbit’ u…

Aktar