Immigrazzjoni
184 immigrant jidħlu Lampedusa – botta u risposta bejn l-Italja u Malta

Hekk kif dalgħodu mal-184 immigrant daħlu Lampedusa abbord dgħajjes żgħar, sezzjoni tal-midja Taljana qed tikkwota sorsi qrib il-Gvern Taljan, li allegatament qed jgħidu li “għal darb’ oħra Malta waddbet il-problema fuq l-Italja.”

Tard ilbieraħ id-Deputat Prim Ministru Taljan Matteo Salvini tella’ ritratt fuq il-midja soċjali ta’ dgħajsa li qal tinsab f’ibħra Maltin, u żied jgħid li bħalha hemm diversi oħra.

Salvini qal li dawn id-dgħajjes ma kinux jinsabu f’diffikultà, u li l-awtoritajiet Taljani kkuntattjaw lill-awtoritajiet Maltin “biex jagħmlu dmirhom.” Qal li jekk dan ma jseħħx, kien se jagħmel ħiltu biex l-immigranti ma jidħlux fl-Italja.

Il-Gvern Malti iżda wieġeb li dawn ma kinux każijiet ta’ tiftix u salvataġġ. Il-Gvern iċċara li kwalunkwe ndħil ’il barra mit-territorju tal-pajjiż, f’każ li ma tkunx intalabet għajnuna, jkun meqjus bħala illegalità.

TGcom24 qed jirrapporta li l-Ministeru għall-Intern tal-Italja qed jaħdem fuq soluzzjonijiet deskritti bħala “innovativi u effettivi” b’rabta mal-aħħar wasliet tal-immigranti. Qed jingħad li l-Gvern qed jikkunsidra li jibgħat lura lill-immigranti kollha f’salt lejn it-Tuneżija.

Salvini qal li diġà ltaqa’ mal-Prim Ministru tat-Tuneżija biex dan il-pajjiż jgħin fil-problema tal-immigrazzjoni illegali, u mistennija ssir laqgħa oħra dwar din it-tema nhar it-Tlieta li ġej.

Ara wkoll:

Id-dgħajjes li jaqsmu l-Mediterran iqanqlu battibekki ġodda bejn Malta u l-Italja

Aħbarijiet Oħra
Qorti

Shamison Stafrace minn Bormla tressaq il-Qorti akkużat b’hold up f’ħanut f’Raħal Ġdid fis-16 ta’ April li għadda. Il-Pulizija xlietu b’serq aggravat, li żamm persuna kontra l-volontà tagħha u li fera…

Mużika

Jumejn konsekuttivi ta’ kunċerti b’xejn fuq il-Fosos tal-Floriana b’inizjattiva tal-Awtorità tat-Turiżmu: għada mill-kantant tal-band Ingliża Oasis, Liam Gallagher, . . . u llejla mill-BBC Concert Orchestra b’kunċert ta’ mużika klassika…

Immigrazzjoni

Il-Partit Nazzjonalista qal fi stqarrija li l-Gvern qed ikompli juri li m’għandux pjan bil-politika tiegħu ta’ immigrazzjoni qawwija. Qal li sejbiet bħal ta’ dalgħodu fil-Marsa huma prova ta’ immigranti li…

Infrastruttura

Il-Kamra tar-Rappreżentanti approvata riżoluzzjoni biex jinbidlu kundizzjonijiet f’kuntratti li kienu saru bejn il-Gvern u l-kumpanija Fortel – sid tal-lukanda Fortina fis-snin disgħin u fis-sena 2000. Ir-riżoluzzjoni kienet approvata wara li…

Aktar