Kronaka
Jindarab gravi wara ħabta fil-Pietà

Dik li kellha tkun ġurnata xogħol għal żewġ ħaddiema fuq il-monti spiċċat ħażin wara inċident tat-traffiku fil-Pietà.

Iż-żewġ ħaddiema mill-Bangladesh ittieħdu l-isptar fejn is-sewwieq ta’ 33 sena ndarab ħafif filwaqt il-passiġġier ta’ 32 sena ndarab gravi.

L-inċident seħħ fi Triq Clarence għall-ħabta tas-6.10am bejn 2 vannijiet.

Il-vann l-ieħor kien misjuq minn raġel ta’ 36 sena mill-Fgura. TVM hu infurmat li fl-istess vettura kien hemm mara li hi infermiera u bdiet tassisti liż-żewġ persuni l-oħra midruba.