Qorti
20 sena ħabs wara li nstab ħati li stupra tfajla

20 sena ħabs għal raġel minn Burkina Faso, Seydon Bandango li lbieraħ instab ħati li tliet snin ilu stupra lil tfajla Taljana f’Pembroke.

Raġel ieħor min-Niġerja Emmanuel Ngumezi ma nstabx ħati fl-istess każ. Il-ġurati taw il-verdett tagħhom ilbieraħ filgħaxija wara sitt sigħat jiddeliberaw fi tmiem sebat ijiem jisimgħu x-xhieda fil-ġuri li sar b’bibien magħluqa.

Seydon Bandango minn Burkina Faso u Emmanuel Ngumezi min-Niġerja kienu mixlija li f’Lulju tal-2016 ħatfu tfajla Taljana mill-bajja ta’ San Ġorġ, daħħluha f’karozza u stuprawha f’Pembroke.

Il-Pulizija kienu marru fuq il-post u fil-karozza sabu wieħed mill-akkużati għarwien minn qaddu ‘l isfel ħdejn il-vittma li sabuha tibki u tokrob għall-għajnuna. Ir-raġel l-ieħor li ma nstabx ħati kien barra l-karozza u ħarab hekk kif ra lill-pulizija. Huwa kien inqabad ftit wara. Il-ġuri nstema quddiem l-Imħallef Giovanni Grixti.

Ara wkoll:

 

Wieħed minn żewġt irġiel ħati li stupra tfajla f’Pembroke

Aħbarijiet Oħra
Immigrazzjoni

Kelliem għall-Forzi Armati ta’ Malta qalet li l-Guardia Costiera Taljana m’għandhiex permess iddaħħal f’Malta 90 immigrant li ġew salvati dal-lejl. Il-Forzi Armati jisħqu li kienu qed isegwu s-sitwazzjoni tal-immigranti li…

Edukazzjoni

Charles Caruana Carabez, Kummissarju għall-Edukazzjoni fl-Uffiċċju tal-Ombudsman, qal li se jibda jinvestiga l-isfida dejjem tikber tan-nuqqas ta’ għalliema fis-sistema tal-edukazzjoni, li fi kliemu tinsab f’xifer ta’ kriżi. Waqt li kien…

Edukazzjoni

Skola partikolari li ddeċidiet li tibda tibgħat iċ-ċirkolari lill-ġenituri bl-Ingliż biss ħolqot dibattitu jaħraq fuq il-midja soċjali. Kien l-awtur Trevor Zahra li fuq Facebook ippubblika parti miċ-ċirkolari ta’ din l-iskola…

Enerġija

Il-Prim Ministru Joseph Muscat qal li minkejja ż-żieda fil-prezz taż-żejt wara l-attakki li seħħew fuq il-faċilitajiet taż-żejt fl-Arabja Sawdija, il-Gvern mhux qed jippjana li jgħolli l-kontijiet. Il-Prim Ministru qal dan…

Aktar