Barranin
AĠĠORNAT 2: 400 persuna jmutu fit-terremot bejn l-Iran u l-Iraq

Bdiet operazzjoni kbira ta’ salvataġġ wara l-iktar terremot qerriedi fid-dinja din is-sena. It-terremot laqat ir-reġjuni muntanjuzi tal-Iran fuq il-fruntiera tal-Iraq.

L-għadd ta’ vittmi qed ikompli jiżdied u s’issa qabeż sew l-400. Indarbu iktar minn seba t’elef persuna oħra. L-iskwadri ta’ salvataġġ qed ifittxu taħt it-terrapien tal-bini biex isibu iktar nies li setgħu ntradmu. It-terremot li l-epiċentru tiegħu kien fir-reġjun ta’ Kermanshah fl-Iran kellu saħħa ta’ 7.3 fuq l-iskala Richter. L-ikbar numru ta’ vittmi kienu fil-belt ta Sarpol E Zahab, b’oħrajn imutu fuq in-naħa tal-Iraq.

It-theżżiż inħass anke mill-kapitali Iraqqina Bagdad. Is-servizzi essenzjali bħall-ilma u dawl inqatgħu fil-partijiet milquta mit-terremot filwaqt li ħafna nies u familji qed ifittxu refuġju barra minn darhom f’temperaturi kiesħa. Huwa stmat li mas-70,000 ruħ spiċċaw b’ta’ fuqhom senduqhom wara li d-djar tagħhom iġġarfu bit-theżżiż.

Aħbarijiet Oħra
Barranin

Raġel fl-Istati Uniti li ġiegħel lil bintu żgħira tidħol f’magna biex tisraq il-ġugarelli nqabad u tressaq quddiem il-Qorti. Huwa nkixef b’filmat tas-sigurtà li ttella’ fuq il-midja soċjali mill-Pulizija ta’ Salem…

Barranin

Baħħar Indjan spiċċa mitluf f’nofs l-Oċean Indjan midrub serjament wara li d-dgħajsa tiegħu ġarrbet ħsarat kbar waqt maltempata. L-inċident seħħ il-Ġimgħa meta l-baħħar Abhilash Tomy spiċċa 3,200km ‘l barra mill-kosta Awstraljana…

Barranin

Żewġ nisa u żewġt itfal, fosthom tarbija, jidhru fuq filmat qed jinqatlu kiesaħ u biered fil-Kamerun minn irġiel lebsin uniformi ta’ suldati. Il-vittmi jidhru jinħarġu ‘l barra minn villaġġ, jiġu…

Kurżitajiet

Il-Bażilika tas-Sagrada Familia f’Barċellona, il-kapolavur tal-arkitett Antoni Gaudí ilha 136 sena tinbena. Il-Bażilika, li hija rikonoxxuta mill-UNESCO bħala sit ta’ wirt kulturali dinji qatt ma nħarġilha permess għax-xogħlijiet, liema proġett…

Aktar