Barranin
21 pajjiż fl-UE jivvotaw fl-elezzjonijiet tal-Parlament Ewropew

Miljuni ta’ votanti f’wieħed u għoxrin pajjiż tal-Unjoni Ewropea qed jivvutaw fir-raba’ u l-aħħar jum tal-elezzjonijiet għall-Parlament Ewropew biex ikunu magħrufa s-751 ewroparlamentari li se jservu fil-ħames snin li ġejjin. L-ewwel riżultati se jitħabbru ftit wara l-ħdax tal-lejla wara li jagħlqu l-aħħar postijiet tal-votazzjoni fl-Italja.

Waqt li r-riżultat ta’ Malta huwa bejn wieħed u ieħor magħruf u jiġi kkonfermat wara li tintemm il-votazzjoni fl-Italja, hemm stennija għar-riżultati finali fis-27 pajjiż l-ieħor li fl-aħħar erbat ijiem ivvutaw f’dawn l-elezzjonijiet Ewropej.

Bħala medja jidher li kien hemm żieda fl-għadd ta’ votanti mqabbla ma’ ħames snin ilu meta kienu ivvotaw 42.6%. Fost il-21 pajjiż li qed jivvutaw illum, sa nofsinhar ġew innutati żiediet fl-għadd ta’ votanti f’uħud mill-akbar pajjiżi fosthom il-Ġermanja, Franza, Spanja, l-Italja u l-Polonja.

F’xi pajjiżi l-elezzjonijiet qed jitqiesu bħala barometru tal-gvernijiet fosthom fi Franza fejn il-President Emmanuel Macron qed jittama li jikseb rebħa konvinċenti fuq il-partit lemini estrem mmexxi minn Marine Le Pen. L-osservaturi qalu li rebħa għal Macron issaħħaħ il-pożizzjoni tiegħu fl-Unjoni Ewropea.

Fl-Italja mistennija rebħa għal Matteo Salvini tal-Lega li fil-Parlament Ewropew se jingħaqad f’Alleanza ġdida.

Fi Spanja, l-elezzjonijiet għall-Parlament Ewropew għandhom jagħtu direzzjoni għat-twaqqif ta’ gvern ġdid wara l-elezzjonijiet inkonklussivi tax-xahar li għadda li ntrebħu mis-soċjalisti mingħajr maġġoranza.

Mistennija wkoll ir-riżultat fl-Awstrija wara li fl-aħħar jiem, il-Gvern ta’ koalizzjoni spiċċa fi kriżi u għada l-Kanċillier, Sebastian Kurz se jaffaċċja vot ta’ sfiduċja fil-Parlament.

Aħbarijiet Oħra
Barranin

L-Arabja Sawdija wkoll qed takkuża lill-Iran għall-attakki li saru fuq it-tankers taż-żejt f’rotta li tagħti għall-Golf ta’ Oman. Il-Prinċep Sawdi, Mohammed bin Salman qal li pajjiżu mhux se joqgħod jaħsibha…

Barranin

F’għeluq ix-xahrejn min-nirien fil-katidral ikoniku tan-Notre Dame f’Pariġi, illejla ġiet iċċelebrata quddiesa għal udjenza limitata li għaliha ttieħdu wkoll għadd ta’ prekawzjonijiet ta’ sigurtà. Fil-Katidral ta’ Notre Dame f’Pariġi ċċelebrata…

Barranin

Tħabbret il-mewt tad-Direttur tal-films Taljan, Franco Zeffirelli. Zeffirelli miet fl-età ta’ 96 sena fir-residenza tiegħu f’Ruma, wara li ħakmitu marda. Huwa kien magħruf għal bosta produzzjonijiet fosthom l-aktar wieħed ċelebri,  dak…

Barranin

Adélio Bispo de Oliveira, li ġie mixli li nifed lill-President Brażiljan, inħeles mill-arrest wara li l-Qorti sabet li ma kienx konxju ta’ għemilu. Il-Qorti qalet li l-liġi Brażiljana ma tistax…

Aktar