Lokali
25 koppja anzjana qed jgħixu f’bini riġenerat fin-naħa t’isfel tal-Belt

Il-Ministru Konrad Mizzi qal li proprjetà fi Triq il-Punent, il-Belt, qed tiġi rranġata biex takkomoda 25 koppja anzjana. Dan hu wieħed minn sensiela ta’ proġetti ta’ riġenerazzjoni soċjali li l-Gvern qed iwettaq fin-naħa t’isfel tal-Belt fejn fost oħrajn qed jiġu stallati liftijiet u tisbiħ taż-żona anke permezz ta’ pavimentar ġdid.

Il-Kap Eżekuttiv tal-Korporazzjoni għar-Riġenerazzjoni tal-Port il-Kbir (GHRC) Gino Cauchi qal li sar xogħol ta’ restawr f’diversi kappelli, fuq is-swar u fuq il-faċċatta tal-Berġa tal-Baviera. Qal li qed tiġi studjata sistema ta’ dwal għan-naħa t’isfel tal-Belt u se titnieda Heritage Trail App biex din iż-żona tingħata l-importanza li jixirqilha fl-istorja.

Iċ-Chairman tal-GHRC Stefan Zrinzo Azzopardi qal li wara x-xogħol li sar fin-naħa ta’ fuq tal-Belt, kien imiss li tingħata importanza liż-żona ta’ Marsamxett biex tingħata kwalita’ ta’ ħajja aħjar lir-residenti f’dawn l-inħawi li għal ħafna snin tħallew minsija.

Is-Segretarju Parlamentari Aaron Farrugia qal li hemm 15-il inizjattiva f’din iż-żona tal-Belt, li qed isiru b’€10 miljun minn fondi Ewropej. Intqal li x-xogħol kollu mistenni jitlesta sa sentejn oħra.

Aħbarijiet Oħra
Edukazzjoni

L-istudenti fl-iskejjel sekondarji tal-Gvern li għażlu suġġetti vokazzjonali, minn Settembru li ġej se jibda jkollhom il-lezzjonijiet minn klassijiet li ngħataw bixra differenti għax ġew mgħammra b’apparat li jixbah dak li…

Agrikultura

Deskritt bħala wieħed mill-ifjen żjut minn esperti u chefs magħrufa internazzjonalment, fosthom Jamie Oliver, iż-żejt taż-żebbuġa Malti għandu karatteristiċi partikulari li jiddistingwuh. Sejbiet arkeoloġiċi juru li elfejn sena ilu, ir-Rumani…

Kultura

Niċċa bi statwa devota tar-Redentur, fit-triq għal Marsaxlokk, se tiġi restawrata. Ix-xogħol se jsir mid-Direttorat tar-Restawr fi ħdan il-Ministeru għall-Ġustizzja, Kultura u Gvern Lokali u għandu jitlesta sal-aħħar tas-sena. Il-Perit…

Annimali

Numru ta’ kuċċiera qalu li qegħdin jikkunsidraw li jiftħu kawża fil-Qorti biex ireġġgħu lura l-avviż legali li bih ma jistgħux jaħdmu bil-karrozzin bejn is-siegħa u l-erbgħa ta’ waranofsinhar f’Lulju u…

Aktar