Kronaka
25 persuna arrestati wara li nqabdu bid-droga waqt attivitajiet ta’ divertiment

Iżjed ħidma mill-Iskwadra ta’ Kontra l-Vizzju tad-Droga matul dan il-lejl, wasslet għall-arrest ta’ 25 persuna ta’ nazzjonalitajiet varji, kif ukoll Maltin, li l-età tagħhom tvarja bejn 17-il sena u 42 sena.

L-imsemmija persuni ġew arrestati b’konnessjoni ma’ sejbiet ta’ droga li rriżultaw minn tfittxijiet li saru għall-għarrieda waqt attivitajiet ta’ divertiment fil-limiti tar-Rabat, Malta. Fost id-droga li nstabet kien hemm kokajina, ħaxixa tal-Cannabis, pilloli ecstasy u ketamina.

Fost il-25 persuna arrestati, kien hemm erba’ persuni, Serb ta’ 37 sena residenti San Pawl il-Baħar, Russu ta’ 21 sena residenti Gwardamanġa, Malti ta’ 28 sena residenti Ħal Qormi u tfajla ta’ 17-il sena residenti Ħal Tarxien, li ġew arrestati b’konnessjoni ma’ sejba ta’ madwar ħamsin pillola ecstasy f’ċirkostanzi li juru li kienu lesti biex jiġu traffikati fl-istess lejl.

L-investigazzjonijiet tal-Pulizija għadhom għaddejjin u wħud mil-persuni arrestati mistennija jitressqu l-Qorti fis-sigħat li ġejjin.

Aħbarijiet Oħra
Lokali

Waqt li hemm stennija għall-azzjonijiet li se jittieħdu mill-Gvern wara l-konsultazzjoni pubblika li saret fuq it-traffikar uman u l-prostituzzjoni, stħarriġ mill-programm INSIGHTS li jixxandar illejla fuq TVM, wera li l-prostituzzjoni…

Politika

Il-Kap tal-Oppożizzjoni u tal-Partit Nazzjonalista Adrian Delia qal li min qed jinvestiga l-qtil ta’ Daphne Caruana Galizia għandu jkollu l-kuraġġ jasal sal-aħħar għax warajh se jsib l-appoġġ u d-difiża ta’…

Agrikultura

Skola fiż-żona “Taż-Żokrija” fil-Mosta li tifforma parti mill-Kulleġġ Maria Reġina għandha ċentru mnejn toffri lill-istudenti fl-aħħar tliet snin tas-sekondarja tagħlim fuq l-agrikoltura u t-trobbija tal-annimali. Mifrux fuq erbat elef u…

Aktar