Lokali
27 skola jieħdu l-premju internazzjonali tal-Bandiera l-Ħadra għall-ħidma favur l-ambjent

Għal sena oħra, għadd ta’ skejjel ġew ippreżentati bil-bandiera l-ħadra li tagħraf il-ħidma li wettqu favur l-ambjent u l-iżvilupp sostenibbli. Il-bnadar jingħataw mill-Fondazzjoni għall-Edukazzjoni fuq l-Ambjent li f’Malta hi rappreżentata minn Nature Trust.

Rappreżentanti tal-istudenti, għalliema u kapijiet ta’ skola li matul is-sena ħadu sehem fil-programm edukattiv u ambjentali Eko-Skola ngħataw l-premju internazzjonali tal-Bandiera l-Ħadra għall-impenn tagħhom biex itejbu l-ambjent fl-iskola fl-aħħar sentejn. Tmien skejjel ħadu rikonoxximent ukoll talli pparteċipaw fil-programm Learning About The Forests (LEAF).

Ir-rikonoxximent ingħata lil 27 skola kemm tal-Gvern u tal-Knisja f’ċerimonja organizzata minn Nature Trust li tikkordina l-programm tal-fondazzjoni għall-edukazzjoni ambjentali. Numru ta’ studenti li pparteċipaw taw rendikont  tal-esperjenza tagħhom fl-eko skola. Tkellmu fost oħrajn dwar il-ħarsien tas-siġar u nnutaw li għadhom jittieħdu deċiżjonijiet li jtellfu l-biodiversità. Huma qalu li se jibqgħu jaħdmu biex jittieħdu dejjem deċiżjonijiet favur żvilupp sostenibbli.

Il-President Marie Louise Coleiro Preca raddet ħajr l-istudenti li huma attivi fis-soċjetà u li mhux qed jiddejqu jitkellmu dwar dak li jixtiequ  jaraw fil-pajjiż. Saħqet li l-ambjent huwa misluf lilna mill-ġenerazzjonijiet ta’ warajna u jpoġġu fuqna responsabiltajiet kbar.

Il-President tan-Nature Trust Vince Attard qal li n-Nature Trust se tibqa’ tinvesti biex iktar studenti jkollhom iktar għarfien ambjentali.

Aħbarijiet Oħra
Lokali

Ingħalaq għalkollox is-sub post office tal-Maltapost fi Triq Ċensu Busuttil fl-Iklin. Dan ħabbitu l-kumpanija Maltapost, li fi stqarrija qalet li l-klijenti li kienu jinqedew mill-Iklin issa jridu jmorru fin-Naxxar. L-uffiċċju…

Lokali

Il-Partit Laburista qal li dd-deputat tal-Partit Nazzjonalista, Karol Aquilina, b’għemilu wera li ma jafx x’inhi governanza tajba. Fi stqarrija l-PL irrefera għall-mistoqsija parlamentari mwieġba lbieraħ, li qal uriet li fil-jum…

Lokali

Bejn Ġunju u Diċembru tal-2017, Transport Malta ħarġet total ta’ €144,475 f’multi li jikkoncernaw il-puntwalità u affidabilità lill-operatur tat-trasport pubbliku. Dan ħareġ wara li l-Ministru għat-Trasport Ian Borg wieġeb mistoqsija…

Lokali

65 persuna fil-Faċilità Korrettiva ta’ Kordin gawdew mis-sistema tal-parole fl-aħħar tliet snin. Dan intqal mill-Ministru għall-Intern u Sigurtà Nazzjonali Michael Farrugia għall-mistoqsija tad-deputat Nazzjonalista Chris Said. Il-Ministru Farrugia qal illi…

Aktar