Lokali
28 tarbija twieldu bl-IVF is-sena li għaddiet

Is-sena li għaddiet twieldu 28 tarbija, 13-il tifel u 15-il tifla, bil-proċess tal-IVF, li wħud minnhom kienu minn ċikli li saru fl-2016.  Dan joħrog mir-rapport annwali tal-Awtorità għall-Promozzjoni tal-Embrijun li tpoġġa fuq il-medja tal-Kamra tad-Deputati.

Fir-rapport jingħad ukoll li mistennija jitwieldu 36 tarbija oħra minn ċikli li saru s-sena li għaddiet, biex b’hekk it-trabi li twieldu bl-IVF minn ċikli li saru s-sena l-oħra mistenni jkun ta’ 64 tarbija.

Is-sena li għaddiet saru 304 ċikli tal-IVF li minnhom 75 biss saru fil-privat u l-bqija saru fl-isptar Mater Dei. Dawn wasslu għal 66 tqala li sa dan l-istadju timmarka rata ta’ suċċess ta’ ftit inqas minn 22%.

Mir-rapport tal-Awtorità għall-Protezzjoni tal-Embrijun joħroġ li minn dawn is-66 tqala kien hemm, 12-il mara li sofrew korriment, 22 kellhom tarbija waqt li 32 oħra għadhom qed jistennew li jitwieldu.

Mir-rapport joħroġ li miċ-ċikli kollha li saru 2016, twieldu 62 tarbija oħra li jfisser li l-proċess tal-IVF kellu suċċess ta’ ftit aktar minn 20%.

Aħbarijiet Oħra
Ġurnali

In-Nazzjon: Fuq il-faċċata, kif qed jagħmlu ħafna mill-ġurnali tal-lum, ritratt tal-Prim Ministru Ingliża Theresa May li lbieraħ irnexxielha ssalva minn vot ta’ sfiduċja kontriha fil-partit konservattiv b’200 vot favur u…

Lokali

Matul il-ġurnata il-PBS se jiftaħ il-bibien tiegħu għas-segwaċi tal-programmi tat-tv u tar-radju biex ikollhom l-opportunità jaraw l-istudjos minn fejn jixxandru l-programmi u jiltaqgħu mal-preżentaturi u atturi li tant jammiraw. Fosthom…

Kronaka

Żewġt irġiel indarbu meta ttajru minn vettura f’B’Kara. L-inċident seħħ għall-ħabta tas-1.30am, bil-Pulizija ġiet infurmata li kien hemm bżonn l-assistenza tagħha fi Triq Dun Karm, Birkirkara. Il-Pulizija tad-Distrett marru fuq…

Kronaka

Raġel sofra minn ġrieħi gravi wara li kien involut f’inċident tat-traffiku fir-Rabat. L-inċident seħħ illum għall-ħabta tal-5.30pm fi Triq Sqaq iċ-Ċawla. Mill-ewwel stħarriġ tal-Pulizija jirriżulta li seħħet ħabta bejn żewġ…

Aktar