COVID-19
3 każijiet ġodda ta’ Covid-19 f’Malta, anzjan ħareġ mill-ITU u mar id-dar

3 persuni ġodda irriżultaw pożittivi għall-Covid-19, iżda ħadd ma kien ikkonfermat li fieq. Għalhekk l-ammont ta’ persuni mfejqa s’issa huwa ta’ 434.

Fil-bullettin mediku tal-lum, is-Supretendent tas-Saħħa Pubblika, il-Professur Charmaine Gauci, qalet li l-każijiet il-ġodda rriżultaw minn 1,341 swab li saru lbieraħ.

S’issa rriżultaw pożittivi 506 persuna, waqt li t-total ta’ każi attivi llum huwa ta’ 67.

Prof Gauci qalet li l-aħbar tajba hija li r-raġel ta’ 72 sena li kien fuq ventilator inħareġ mill-ITU u llum mar id-dar.

Qalet li t-tliet każijiet il-ġodda huma kuntatti ta’ każijiet oħra li rriżultaw pożittivi għall-Covid-19 fil-jiem li għaddew.

Dawn huma raġel Malti ta’ 58 sena li ma kellux sintomi u huwa kuntatt tal-omm u l-bint li rriżultaw pożittivi lbieraħ.

Iż-żewġ każijiet l-oħra huma ta’ healthworkers, raġel ta’ 54 sena u mara ta’ 44 sena. Dawn ħarġu pożittivi wara li saru testijiet wara risk assessment li għamlu l-awtoritajiet u iddentifikaw minn seta’ kien espost għall-virus wara li rriżultaw każi pożittivi fl-isptar Mater Dei ftit tal-jiem ilu. Qalet ukoll li sallum hemm 30 healthcare worker fl-isptar Mater Dei li rriżultaw pożittivi għall-virus.

Il-Professur Gauci qalet hemm tliet pazjenti rikoverati fl-isptar Boffa, tlieta oħra fl-isptar St Thomas u pazjent li jinsab f’qagħda kritika fl-ITU.

Tista’ ssewgi l-konferenza hawn:

Aġġornament mid-Dipartiment tas-Saħħa -12 ta' Mejju 2020

Is-Superintendent għas-Saħħa tindirizza konferenza stampa dwar il-Covid-19

Gepostet von Television Malta am Dienstag, 12. Mai 2020

Ara wkoll:

Ma nistgħux nerġgħu nibdew nitgħannqu u nieħdu b’idejn xulxin

Prof Gauci tispjega għalfejn tpoġġew is-sodod fl-università