Barranin
30 sena ħabs wara li stupra u qatel tfajla fi Franza

Raġel ġie kkundannat 30 sena ħabs, wara li nstab ħati li lura fl-2002, stupra u qatel tfajla fi Franza.

It-tfajla, li kellha 24 sena, kienet taħdem bħala maniġer f’bank. Hi kienet sejra lura d-dar minn ħarġa f’restorant, meta l-karozza tagħha ġiet imwaqqfa minn grupp ta’ rġiel li l-għan tagħhom kien li jistruprawha. Malli waqfet, hi indunat li kien hemm xi ħaġa ħażina, tant li meta ppruvaw joħorġuha mill-karozza, ċemplet lin-numru tal-emerġenza. Madanakollu, il-Pulizija ma leħqitx qaltilhom fejn tinsab, tant li ġiet stuprata u maqtula ftit tal-ħin wara.

Hi instabet l-għada filgħodu f’għalqa, b’ġisimha maħruq, minn bidwi tal-lokal.

Fuq il-post instabu erba’ tipi ta’ DNA, flimkien ma’ xi sperma f’kontraċettiv. Wara kważi għaxar snin, wieħed mit-tipi ta’ DNA irriżulta li kien ta’ ċertu persuna Grégory Wiart, inġinier li kien miet sena wara f’inċident tat-traffiku. Irriżulta li dan kien wieħed mill-qattiela.

Kważi għoxrin sena wara, il-każ kien prattikament mejjet, iżda l-investigaturi baqgħu ifittxu l-provi. Fil-fatt, irnexxielhom jinnutaw li fl-isfond tat-telefonata li għamlet il-vittma lill-pulizija, kienu jinstemgħu xi ilħna ta’ rġiel. Wieħed minn dawn l-ilħna, irriżulta li kien tal-akkużat, Willy Bardon.

Fil-Qorti, hu ġie kkuntannat sentenza ta’ tletin sena priġunerija, wara li stupra u qatel lil Elodie Kulik. Hu qal li mhuwiex ħati, u li se jkun qed joqtol lilu nnifsu jekk jinstab li huwa ħati. Fil-fatt malli ħareġ il-verdett, hu deher jibla xi pillola, u dlonk ittieħed l-isptar fejn bħalissa qed jingħata l-kura.

Aħbarijiet Oħra
Barranin

Tarbija f’Beirut kienet waslet biex titwieled meta seħħet l-ewwel splużjoni ta’ jumejn ilu, li farrket il-ħġieġ tas-sala tal-isptar. Il-mument inqabad minn missier it-tarbija, li dak il-ħin inzerta qed jiġbed filmat…

Barranin

It-tieni jum wara l-isplużjoni li heżżet il-kapitali Lebaniża, Beirut, fost sens qawwi ta’ xokk u rabja l-poplu kompla jnaddaf il-ħerba li sab ruħu fiha. S’issa mal-160 persuna kienu kkonfermati mejta…

Storja

Ħamsa u sebgħin sena ilu bħal-lum, id-dinja nħasdet. It-Tieni Gwerra Dinjija kienet għadha sejra fil-Paċifiku meta l-Istati Uniti tefgħet bomba atomica fuq Hiroshima u tliet ijiem wara fuq Nagasaki. L-effett…

COVID-19

Franza, Spanja u l-Greċja kien fost il-pajjiżi Ewropej li rreġistraw żidiet rekord tal-każijiet ġodda ta’ coronavirus u nisslu biża’ li din tista’ tkun it-tieni mewġa tal-pandemija fl-eqqel tal-btajjel tas-sajf. F’24…

Aktar