Kultura
30,000 student se jibbenefikaw mill-Culture Pass

50 produzzjoni artistiċi u kulturali se jkunu għad-diżpożizzjoni tal-iskejjel mill-kindergarten sas-sekondarja fil-programm tal-Culture Pass 2019-2020. Din is-sena b’dawn il-produzzjonijiet mistennija jintlaħqu 30,000 student fl-iskejjel tal-Gvern, Knisja u indipendenti.

Waqt it-tnedija tal-programm ta’ Culture Pass għal din is-sena skolastika, il-Ministru tal-Kultura Owen Bonnici qal li Culture Pass sar opportunità oħra biex jingħata inċentiv lill-produtturi kulturali biex jipproduċu produzzjonijiet ġodda u attivitajiet artistiċi immirati b’mod speċjali għat-tfal u ż-żgħażagħ. Il-produzzjonijiet ta’ din is-sena huma varjati u jirrapreżentaw kull forma ta’ arti minn żfin, teatru u mużika sa arti viżiva, letteratura, films, u wirt kulturali.

Se tiġi esplorata wkoll it-tema tal-għana. Dan qal il-Ministru Bonnici fl-isfond li kmieni s-sena d-dieħla Malta mistennija tressaq applikazzjoni quddiem il-UNESCO biex l-għana Malti jkun fil-lista tal-wirt kulturali intanġibbli.

Aħbarijiet Oħra
Politika

Id-Deputat Prim Ministru Chris Fearne u d-Deputat Parlamentari Robert Abela huma ż-żewġ kandidati għall-ħatra ta’ mexxej tal-Partit Laburista minflok il-Prim Ministru Joseph Muscat. Ftit wara li ngħalqu n-nomini għal Mexxej…

Temp

L-Uffiċċju Metereoloġiku fl-Ajruport Internazzjonali ta’ Malta qed iwissi b’riħ qawwi sal-lejla. Ir-riħ mill-Majjistral ser ikun qawwi fuq il-Gżejjer Maltin. Din it-twissija tibqa’ fis-seħħ sal-10pm.  

Aktar