COVID-19
4 każijiet ġodda ta’ Covid-19 f’Malta – 8 oħra mfejqa

Illum kienu kkonfermati 4 każijiet ġodda ta’ Covid-19 f’Malta, biex issa t-total ta’ persuni infettati tela’ għal 426.

Minnhom hemm 99 persuna mfejqa, hekk kif illum tħabbru li fiequ 8 persuni oħra.

Waqt il-bulettin mediku tal-lum is-Supretendent tas-Saħħa Pubblika, Charmaine Gauci, qalet li lbieraħ saru 972 swabs. Qalet li sal-lum saru 23,253 swab test.

L-erba’ każijiet ġodda jinkludu tliet immigranti miċ-ċentru miftuħ ta’ Ħal Far, wieħed ta’ 28 sena mis-Sudan u tnejn mill-Bangladesh, wieħed ta’ 18 u l-ieħor ta’ 24 sena. S’issa t-total ta’ immigranti fiċ-ċentru miftuħ ta’ Ħal Far li huma pożittivi għall-Covid-19 huwa ta’ 35.

Il-każ l-ieħor huwa ta’ Taljan ta’ 34 sena li beda bis-sintomi fl-14 t’April bis-sogħla, b’imnieħru mblukkat u b’telf ta’ xamm u ta’ tomgħa. Il-Professur Gauci qalet li dan it-Taljan kellu kuntatt ma’ persuna oħra li tħabbret ilbieraħ li hija pożittiva għall-virus. Qalet li dawn it-tnejn iltaqgħu flimkien fil-11 ta’ April. Qalet ukoll li l-awtoritajiet tas-saħħa qed isegwu persuna oħra li tgħix flimkien mat-Taljan.

Is-Supretendent tas-Saħħa Pubblika qalet li mill-każijiet attivi, żewġ persuni għadhom jinżammu fit-taqsima tal-kura intensiva u l-kundizzjoni tagħhom hija stabbli.

Sadanittant tista’ ssegwi l-konferenza tal-aħbarijiet hawn:

Gepostet von Television Malta am Samstag, 18. April 2020

Ara wkoll:

L-aħħar tħejjijiet għal 44 sodda ġdida fl-ITU għall-Covid-19

Min hu obbligat joqgħod fi kwarantina?

Qabel tiġi studjata l-immunità tal-poplu, irid jiġi studjat it-tagħmir

Aħbarijiet Oħra
COVID-19

L-Assoċjazzjoni Medika Maltija, MAM, u l-Union tal-Infermiera u l-Qwiebel, MUMN, ħabbru azzjoni industrijali fid-dawl li l-attivitajiet tal-massa ma twaqqfux milli jiġu organizzati waqt il-pandemija tal-Covid. Il-MAM ordnat sensiela ta’ direttivi…

Lokali

Bejn din is-sena u s-sena li ġejja fiż-żona tat-tlett ibliet u l-Kalkara se jkunu qed isiru mal-25 proġett ta’ restawr varji fosthom fuq il-Forti Ricasoli, s-swar ta’ Santa Margerita u…

Lokali

Melvin Theuma, l-intermedjarju fil-qtil ta’ Daphne Caruana Galizia, baqa’ f’qagħda stabbli. Fi stqarrija l-Pulizija qalet li Theuma għadu fit-taqsima tal-ENT fl-isptar Mater Dei. It-Tlieta 21 ta’ Lulju 2020, Theuma nstab…

Barranin

L-Iżvezja li ma marritx għal lockdown waqt din il-pandemija, irreġistrat tnaqqis ta’ 8.6% fl-ekonomija bejn ix-xhur ta’ April u Ġunju meta mqabbel mat-tlett xhur ta’ qabel. Skont l-uffiċċju tal-istatistika tal-pajjiż…

Aktar