42 karozza kklampjati fl-Univeristà

Mal-bidu tas-sena akkademika l-ġdida fl-Universitá, feġġet b’aktar intensitá l-problema tan-nuqqas ta’ postijiet ta’ parkeġġ għall-istudenti u l-ħaddiema fil-kampus tal-Università. Madankollu kif skopra tvm.com.mt, dan mhux iżomm lill-istudenti milli jmorru għal-lectures bil-karozza privata tagħhom iżda ħafna qed jipparkjaw f’lokalitajiet qrib l-Università.

Is-Swatar, il-Kappara, l-Imsida u saħansitra San Ġwann saru l-postijiet alternattivi għall-istudenti biex iħallu l-karozza tagħhom meta jmorru l-Università minħabba li l-parkeġġi tal-Università huma dejjem mimlija daqs bajda u qajla jsibu post biex jipparkjaw fil-kampus stess. Ir-residenti ta’ dawn il-lokalitajiet u l-istudenti Universitarji spiċċaw jikkompettu ma xulxin għal postijiet ta’ parkeġġ f’dawn il-lokalitajiet li għalkemm mhux ‘il bogħod mill-Università lanqas tista’ tgħid li huma tefgħa ta’ ġebla biss bogħod mill-kampus.

Krew ta’ tvm.com.mt qatta’ ftit ħin josserva l-istudenti li wara li ħallew il-karozzi tagħhom fis-Swatar kellhom jaqsmu l-by pass traffikuża ta’ erba karreġġjati fejn lanqas qatt ma kienu maħsuba żebra crossings jew pont biex wieħed jaqsam triq bħal din mingħajr periklu.

Il-Kappara wkoll spiċċat żona ta’ parkeġġ għall-istudenti.

Oħrajn ma ddejqu xejn jieħdu ċans fil-kampus l-università, b’uħud sabu karta ta’ twissija mal-windscreen għax ma kinux ipparkjati kif suppost. Mill-1 ta’ Ottubru diġà ġew kklampjati 42 karozza fil-kampus tal-Università li tfisser multa ta’ €23 ewro kull waħda.

Fl-Università hemm 680 parkeġġ għall-istudenti, 522 għall-ħaddiema fl-amministrazzjoni u viżitaturi, kważi 300 għall-akkademiċi u 12 għall-persuni b’diżabiltà.

Ikkuntattjat minn Television Malta, kelliema għall-Università tenniet l-appell biex l-istudenti jużaw it-trasport pubbliku jew għallanqas jorganizzaw it-trasport tagħhom b’mod li jonqos l-użu tal-vetturi privati.  Dwar il-possibiltà li jkun hemm sistema ta’ park and ride, il-kelliema qalet li din teħtieġ ippjanar serju.

Aħbarijiet Oħra
Knisja Maltija

Jekk hemm aspett li jispikka fuq oħrajn fil-ġrajja tal-mewt ta’ Ġesà hi t-tbatija. Il-knisja parrokkjali tal-Fontana, f’Għawdex, għandha statwa ġdida li tirrappreżenta mument partikulari ta’ tbatija: il-flaġellazzjoni, b’Ġesù marbut ma’…

Teknoloġija

Tnieda fond ta’ żewġ miljun ewro ta’ GO Ventures, immirat lejn kumpaniji żgħar fil-qasam tat-teknoloġija. Fit-tnedija tal-fond, is-Segretarju Parlamentari Silvio Schembri qal li biex Malta tibqa’ fuq quddiem tar-rivoluzzjoni diġitali…

Stejjer Umani

Irġiel u nisa b’diżabbiltà llejla ġeddew mument mill-Aħħar Ikla ta’ Ġesù mad-dixxipli tiegħu. Hekk kif il-Knisja Kattolika tat bidu għat-Tridu tal-Għid, iċ-ċelebrazzjoni ewlenija tal-lejla fil-parroċċi tfakkar it-twaqqif tal-Ewkaristija u tinkludi…

Kronaka

Persuna ta’ 63 sena mir-Rumanija ġiet rikoverata wara li ttajret fil-Gżira. Il-Pulizija qalet li kienet infurmata bl-inċident fi Triq il-Gżira għall-ħabta tal-5.30 pm. Mill-ewwel stħarriġ ħareġ li l-persuna ntlaqtet minn…

Aktar