Lokali
Investiment ta’ €5 miljuni għall-benefiċċju tal-Iskalin kollha

Mis-sena skolastika li jmiss l-istudenti tal-kindergarten u tal-Primarja f’Marsaskala se jżanżnu skola ġdida li qed tinbena b’investiment ta’ €5 miljun. Il-Kap Eżekuttiv tal-Fondazzjoni għall-Iskejjel ta’ Għada, Mario Gafa’, qal li x-xogħol jinsab avvanzat u skont il-pjan u meta jitlesta għandu jaqdi anke l-ħtiġijiet tal-komunità ta’ Marsaskala.

F’Settembru li ġej, madwar 500 student u studenta mistennija jżanżnu skola ġdida f’Marsaskala.

Il-Kap Eżekuttiv tal-Fondazzjoni għall-Iskejjel ta’ Għada, Mario Gafa’, qal li din l-iskola hija meħtieġa daqs il-ħobż għall-Iskalin minħabba ż-żieda fil-popolazzjoni f’Marsaskala li hija waħda mil-lokalitajiet li għandhom popolazzjoni żagħżugħa.

L-Inginier Gafa’ qal li dan il-proġett qed isir b’investiment ta’ €5 miljuni u l-iskola ser ikollha l-faċilitajiet kollha għall-istudenti li jistgħu jservu wkoll għall-komunità.

Il-Kap Eżekuttiv għall-Fondazzjoni għall-Iskejjel ta’ Għada Mario Gafa’ qal ”se jkollha faċilitajiet minn ċentru għall-ħarsien tat-tfal li ovvjament dawn għamlu progress kbir f’pajjiżna. Se jkun hemm kindergarten u se jkun hemm il-primarja mill-Year 1 sa Year 5, jiġifieri ġenituri li jkollhom tfal ta’ etajiet differenti jistgħu jiġu f’din l-iskola, u ma joqogħdux jiġru minn skola għal oħra.”

L-Inġinier Gafa’ qal li tlesta x-xogħol fuq il-parkeġġ, li jesa’ 50 karozza, u li se jkun jista’ jintuża mill-komunità meta l-iskola ma tkunx miftuħa.

Żied jgħid li għaddejjin diskussjonijiet bejn il-Gvern u l-Knisja dwar l-użu potenzjali tal-art tal-Knisja li hemm wara l-iskola. L-idea hi li l-Knisja tipprovdi l-art u l-fondazzjoni tibni ċentru parrokkjali.

Hemm biċċa art tajba ħafna illi se nagħmlu ċentru parrokkjali hemmhekk u t-tfal li se jkun hemm dan iċ-ċentru se jkunu jistgħu jużaw il-grawnds tal-futbol meta l-iskola ma tkunx qed topera.

L-Inġinier Gafa’ qal li l-Fondazzjoni tal-Iskejjel ta’ Għada għaddejja bi proġetti oħrajn fosthom fl-Imsida u r-Rabat Għawdex u estensjonijiet fl-iskejjel ta’ Santa Luċija, Ħaż-Żebbuġ u r-Rabat.

 

Aħbarijiet Oħra
Lokali

B’digriet ta’ Monsinjur Arċisqof Charles J. Scicluna, il-Knisja Parrokkjali Matriċi ta’ Stella Maris ġiet mgħollija għad-dinijtà ta’ Knisja Arċipretali. Hekk, il-kappillan tal-Parroċċa, fil-preżent Mons. Anton Portelli, jkollu wkoll it-titlu ta’…

Lokali

Xena mill-isbaħ tal-bajja ta’ Mġarr ix-Xini kif probabbli qatt ma rajtha. Dan ir-ritratt, li ttieħed mill-astronomu Joseph Caruana, jagħtina ħjiel tal-ġmiel naturali li kienu jgawdu missirijietna, u li llum sfortunatament…

Lokali

Fl-1 ta’ Lulju, fil-pjazza ewlenija tal-Qala, l-Għaqda Briju San Ġużepp b’kollaborazzjoni mal-Ministeru għal Għawdex se jorganizza l-‘Festa Għawdxija’. Dan l-avveniment se jsir proprju meta l-istaġun tal-festi f’pajjiżna jkun fl-aqwa tiegħu….

Lokali

Raġel mgħammad u armat b’sikkina seraq €100 flus kontanti minn ħanut tal-merċa f’Ħal Tarxien. Il-każ seħħ fi Triq Karlu Maratta għall-ħabta tan-nofsiegħa. Ir-raġel talab lill-kaxxiera biex tagħtih il-flus kollha, kif…

Aktar