Kumpaniji
4a games tifrex l-operat f’Malta u żżid l-impjegati

Il-kumpanija 4A Games ġiet Malta mill-Ukrajna u llum tikklassifika mal-aqwa fid-dinja għall-iżvilupp ta’ software u logħob diġitali. Il-Prim Ministru Joseph Muscat żar il-kumpanija u qal li din ser tkompli żżid l-investiment u l-ħaddiema.

L-atmosfera ekonomika u l-vantaġġi li Malta toffri biex investituri barranin jibdew joperaw minn Malta waslet lil 4A Games biex mill-Ukrajna ġġib 50 ħaddiem fil-qasam diġitali lejn Malta flimkien mal-familji taghhom.

Il-Kap Eżekuttiv Dean Sharpe qal li f’Malta sab għajnuna kbira li waslet biex jiddeċiedi li jiġi Malta. Qal li l-ispeċjalizzazzjoni tal-kumpanija hija l-iżvilupp ta’ logħob diġitali tant li l-logħoba Metro Exodus ħadet ħames snin xogħol u fiha 43,000 animazzjoni.

Il-Kap tal-Operat tal-Fondazzjoni ghal-Logħob Ivan Filletti qal li din il-kumpanija fetħet suq ieħor li l-pajjiż jista’ jimraħ fih.

Waqt zjara lill-istudio tal-kumpanija, Il-Prim Ministru Joseph Muscat qal li din mistennija tkompli tkabbar l-operat tagħha, wara li fl-aħħar snin minn 50 ħaddiem telgħet għal 65. Dr Muscat qal li fil-jiem li ġejjin ser titħabbar il-viżjoni tal-Gvern għall-qasam diġitali, li tinkludi l-intelliġenza artifiċjali.

Aħbarijiet Oħra
Ambjent

Żona li fiha daqs seba’ grawnds tal-futbol, li minn wied naturali nbidlet f’miżbla, qed tingħata wiċċ ġdid biex minflok tibqa’ ġerħa fin-naħa t’isfel ta’ Malta, issir attrazzjoni. Sa wieħed u…

Kultura

Infrastructure Malta appik li tibda operazzjoni delikata, biex taqla’ sħiħ mill-blat qabar tal-perjodu Puniku-Ruman, u tpoġġih fil-ġenb ta’ triq ġdida li qed tibni f’Ħ’Attard. B’hekk din is-sejba ta’ valur arkeoloġiku,…

Immigrazzjoni

TVM jinsab infurmat li matul il-lejl li għadda, grupp ta’ madwar 90 immigrant li ġew salvati fil-Mediterran fiż-żona ta’ tiftix u salvataġġ ta’ Malta ttieħdu fuq vapur tal-Captain Morgan li…

COVID-19

Il-pandemija u r-reħi tar-restrizzjonijiet ġabu magħhom l-użu tal-maskra. Filwaqt li ħafna qed jużawha kif obbligati jagħmlu f’ħafna postijiet pubbliċi, osservajna li bosta qed jilbsu biex taparsi libsuha. Id-Direttur tad-Direttorat tal-Promozzjoni…

Aktar