Lokali
5 pajjiżi jaqsmu l-esperjenzi tagħhom dwar il-kultura

Mal-ħmistax-il muniċipalità u organizzazzjonijiet minn pajjiżi fl-Ewropa qed jieħdu sehem fi programm tal-Unjoni Ewropea li fih jaqsmu l-esperjenzi tagħhom dwar il-kultura. Flimkien mal-lokalità ta’ Ħal Safi, lokalitajiet mill-Ġermanja, l-Italja, l-Estonja u l-Bulgarija jinsabu f’Malta biex iwettqu proġetti li jsarrfu f’ġid fil-lokalitajiet tagħhom.

Fil-proġett Futura Poject b’fondi Ewropej qed jieħdu sehem għexieren ta’ nies minn diversi lokalitajiet fosthom minn Sqallija, Spanja, Ġermanja u Ungerija dwar l-esperjenzi u d-diversità kulturali tagħhom.

Ħal Safi li qed jieħdu sehem fil-proġett, organizza l-ħames konferenza tal-imsieħba fil-proġett. Is-sindku ta’ Villafranca Tirrena, Matteo de Marco qal li minn dawn il-konferenzi ħareġ ħafna ġid għar-residenti tal-lokalitajiet tagħhom.

“La cultura puo essere un buon lano interessantissimo di creare sviluppo e riccezza u potenzialità che abbiamo culturale, siti e generosita’ e accolienza”.

Il-kultura hija mod interessanti kif jiġi żviluppat ir-rikkezza, u l-potenzjalità kulturali kemm bis-siti, ġenerożità u anki l-akkoljenza.

Is-Sinkdu ta’ Ħal Safi Johan Mula qal li b’dan il-proġett Malta ppromoviet ruħha bħala destinazzjoni turistika ideali, fil-pajjiżi li ħadu sehem minħabba r-rikkezza kulturali tagħha.

“Inħalltu l-ideat ta’ bejnietna, il-kultura ta’ ħaddieħor u nsaħħu r-relazzjoni u kooperazzjoni ta’ bejnietna, joħorġu wkoll proġetti tal-Erasmus u jgawdu r-residenti tal-lokalitajiet wkoll”.

Il-Ministru Owen Bonnici qal li l-Gvern qed jinvesti ħafna riżorsi fil-wirt kulturali kemm biex isaħħaħ l-identità nazzjonali kif ukoll biex jattira aktar turisti, bi prodott turistiku distint anke fil-lokalitajiet lil hinn miż-żoni turistiċi. Spjega li dal-investiment jinkludi restawr ta’ monumenti, niċeċ u kappelli. Dr Bonnici semma’ l-iskema tal-Passaporti ta’ Heritage Malta li biha saru aktar minn mitt elf żjara b’xejn f’postijiet storiċi. Qal li din hija turija tal-impenn biex tfal u adulti japprezzaw aktar wirt artna.

Aħbarijiet Oħra
Ambjent

Żona li fiha daqs seba’ grawnds tal-futbol, li minn wied naturali nbidlet f’miżbla, qed tingħata wiċċ ġdid biex minflok tibqa’ ġerħa fin-naħa t’isfel ta’ Malta, issir attrazzjoni. Sa wieħed u…

Kultura

Infrastructure Malta appik li tibda operazzjoni delikata, biex taqla’ sħiħ mill-blat qabar tal-perjodu Puniku-Ruman, u tpoġġih fil-ġenb ta’ triq ġdida li qed tibni f’Ħ’Attard. B’hekk din is-sejba ta’ valur arkeoloġiku,…

Immigrazzjoni

TVM jinsab infurmat li matul il-lejl li għadda, grupp ta’ madwar 90 immigrant li ġew salvati fil-Mediterran fiż-żona ta’ tiftix u salvataġġ ta’ Malta ttieħdu fuq vapur tal-Captain Morgan li…

COVID-19

Il-pandemija u r-reħi tar-restrizzjonijiet ġabu magħhom l-użu tal-maskra. Filwaqt li ħafna qed jużawha kif obbligati jagħmlu f’ħafna postijiet pubbliċi, osservajna li bosta qed jilbsu biex taparsi libsuha. Id-Direttur tad-Direttorat tal-Promozzjoni…

Aktar