Mużika
50 sena ilu Mike Spiteri beda l-karriera mużikali tiegħu – x’jaħseb dwar il-kanzunetta Maltija?

Min jaf kemm-il darba smajna l-kanzunetti ‘Fjura fil-kantina’ jew ‘Fejn Tħobb il-Qalb’ li minkejja li qatt ma rebħu festivals huma fost l-aktar kanzunetti popolari bil-lingwa Maltija.

F’għeluq il-ħamsin sena mill-bidu tal-karriera, Mike Spiteri qalilna li kantahom eluf ta’ drabi u jistqarr li mhux minnu li l-Malti hu aħrax wisq u li bih ma jistax ikollna kanzunetti melodjużi.

Ħamsin sena ilu, Mike Spiteri kanta fuq il-palk għall-ewwel darba u ftit wara ġie mistieden jkun il-kantant ta’ grupp rock, Dragster li kien popolari ħafna mal-istudenti.

Minn hemm sar bicca waħda mal-mużika rock progressiva u beda karriera bħala kantant professjonali full-time.

“Biex tgħajjex familja minnha l-biċċa tax-xogħol hija daqsxejn waħda iebsa però rnexxili għax kont attent ħafna.”

Il-missier ta’ tliet itfal jgħid li l-ħajja tal-ispettaklu u d-divertiment mhux faċli u hu rnexxilu jibqa’ fiha għax baqa’ determinat u kien lest jagħmel bosta sagrifiċċji.

“Kien hemm żmien fejn rieqed u nkanta biss, ma tistax, illum nammira u napprezza fejn noqgħod hawn ħafna kwiet, paċi u ħdura hekk, u rrid nammira għax il-ħajja tal-entertainment u l-lejl hu tqil.”

Wara xi snin jaħdem it-Tuneżija, fil-bidu tas-snin tmenin irritorna Malta u bil-kanzunetta ‘kompjuter’ rebaħ il-Festival Internazzjonali tal-Kanzunetta Maltija. Iżda l-aktar kanzunetti li għadu magħruf għalihom huma ‘Fjura fil-kantina’ u ‘Fejn tħobb il-qalb’ anke jekk qatt ma rebaħ festivals bihom.

“Jien għalija nippreferi ‘Fejn tħobb il-qalb, imma ‘Fjura fil-Kantina’ n-nies iħobbuha ħafna u huwa mument ta’ ferħ.”

L-aktar mument li jibqa’ jgħożż tul il-karriera hu meta fl-1995 ħa sehem fil-Eurovision Song Contest bil-kanzunetta ‘Keep me in mind’ li biha kklassifika fl-għaxar post minn fost 23 pajjiż.

“Dak il-mument li inti qed tirrappreżenta lil Malta meta jsejjaħlek fuq l-istage ‘and now this is Malta’ inti dak il-mument tħoss ħafna u ħafna affarijiet.”

“U dawk huma mumenti li ma tinsihom qatt.”

Fl-aħħar edizzjoni tal-Għajna tal-Poplu, Mike Spiteri u Hooligan irċevew rikonoxximent għall-kontribut tagħhom lejn il-kanzunetta Maltija li Mike Spiteri jemmen li għandna nkomplu nindukrawha u ntuha l-importanza li jixirqilha.

“Kien hemm żmien fejn il-lingwa tagħna Maltija konna nikkritikawha ħafna għax ħarxa u mhux melodjuża, imma le għax jekk ikollok kanzunetta melodjuża, ħafna jekk ikollok ikollok kanzunetta ta’ vera.”

Aħbarijiet Oħra
Kostruzzjoni

Il-Gvern qed jikkunsidra diversi alternattivi għall-isfida tal-iskart tal-kostruzzjoni. Il-Prim Ministru Joseph Muscat insista li fl-immedjat, l-industrija tal-kostruzzjoni trid terfa’ r-responsabbiltà tagħha. Żied jgħid li jridu jinstabu soluzzjonijiet aktar fit-tul fost…

Qorti

Il-mara mis-Serbja li iktar kmieni din is-sena nstabet ħatja li ħaqret żewġ anzjani sakemm mietu, kellha l-piena ta’ ħabs imnaqqsa mill-Qorti tal-Appell. F’April li għadda Dragana Mijalkovic kienet ikkundannata ħames…

Politika

Il-Kap tal-Oppożizzjoni u tal-Partit Nazzjonalista, Adrian Delia, appella lill-Gvern biex jgħin bi kwalunkwe mod possibbli biex itaffi xi ftit mill-piżijiet finanzjarji meħtieġa biex jitmexxa s-santwarju tal-Arka ta’ Noe fil-Mellieħa fejn…

Politika

Il-Kummissarju għall-Istandards fil-Ħajja Pubblika, George Hyzler, ikkonkluda li stqarrija li l-Ministru għall-Ġustizzja, Owen Bonnici ħareġ, permezz tad-Dipartiment tal-Informazzjoni, ma kinitx tikser il-kodiċi ta’ etika. Il-Kummissarju Hyzler investiga ilment imressaq mill-Avukat…

Aktar