Għawdex
50 triq f’Għawdex se jinbnew mill-ġdid

Ħamsin triq f’Għawdex se jinbnew mill-ġdid.

Il-Ministru għal Għawdex, Justyne Caruana ħabbret id-dettalji ta’ dak li qed jissejjaħ “Proġett Għawdex” li jinvolvi l-bini ta’ ħamsin triq, ħafna minnhom residenzjali.

Waqt żjara fi Triq il-Ħamrija fix-Xewkija li qed tinbena mill-ġdid, il-Ministru Caruana qalet li għaddej xogħol fuq toroq madwar Għawdex kollu u nħarġu sejħiet għal xogħlijiet f’oħrajn fosthom Triq l-Imgħallem u Triq ta’ Wara s-Sur fir-Rabat u Triq iż-Żewwieqa fil-Qala. Spjegat li dawn it-toroq intgħażlu wara proċess ta’ konsultazzjoni mal-kunsilli lokali Għawdxin biex tingħata prijorità lill-ħtiġijiet identifikati minnhom.

Dr Caruana qalet li l-bini mill-ġdid tat-toroq ma jinkludix biss kisja bit-tarmak, imma wkoll il-bini tal-pedamenti, bdil jew introduzzjoni tas-servizzi, u l-bini ta’ bankini iktar aċċessibbli. Spjegat li flimkien ma’ dan, għaddej eżerċizzju ta’ immaniġġjar tat-traffiku. Il-Ministru Caruana qalet li bi Proġett Għawdex qed titwettaq wegħda oħra tal-Gvern li jindirizza toroq residenzjali u arterjali u spjegat li qed jitħejja x-xogħol għall-bini mill-ġdid ta’ toroq oħra bid-dettalji se jingħataw ‘il quddiem.

Aħbarijiet Oħra
Relazzjonijiet Industrijali

L-Air Malta keċċiet 69 bdot wara li fi stqarrija ddikjarat li taħditiet mal-Union tal-Bdoti, l-ALPA, fallew. Il-linja nazzjonali tal-ajru qalet li t-taħditiet kellhom l-għan li jevitaw is-sensji, fl-istess waqt li…

Lokali

Inawgurati l-uffiċini l-ġodda taċ-Ċentru tal-Medjazzjoni fil-Belt. F’dan iċ-ċentru, iż-żewġ partijiet li jkollhom kwistjoni bejniethom jistgħu jagħżlu li jippruvaw jaslu għall-ftehim qabel jirfsu l-għatba tal-Qorti, u jtemmu tilwima bejniethom b’anqas spejjeż…

Kultura

L-ismijiet tal-frontliners kollha Maltin fil-ġlieda kontra l-COVID-19 ġew inklużi fuq libsa ddisinjata lokalment, f’ġest kreattiv ta’ apprezzament lil dawk kollha involuti f’din il-ħidma, li għadha għaddejja. L-organizzatur tal-Malta Fashion Week…

Solidarjetà

Familja Maltija li kellha każ ta’ Covid-19, kif għadda kollox b’wiċċ il-ġid, tat €1,000 lill-Kummissjoni Emigranti biex bihom tgħin refuġjati li hawn f’Malta. Din id-donazzjoni wasslet biex bdew jitqassmu xirjiet…

Aktar