Tfal
60 tifel u tifla jikkampjaw fil-ġonna tal-Palazz Presidenzjali tal-Verdala

Aktar minn 60 tifel u tifla li jattendu l-iscouts ta’ Tas-Sliema ngħataw opportunità oħra biex jiffurmaw il-karattru tagħhom filwaqt li jitgħallmu għadd ta’ ħiliet neċessarji għall-ħajja.

It-tfal bħalissa qed iqattgħu ġimgħa flimkien ikkampjati fil-ġonna tal-Palazz Presidenzjali tal-Verdala fil-Buskett fejn qed jitgħallmu jkunu aktar dixxiplinati.

F’dan il-kamp qed jieħdu sehem scouts li għandhom bejn it-12- 18-il sena u magħhom jingħaqdu tfal ta’ bejn is-7 u 8 snin. Dawn it-tfal ġejjin minn diversi pajjiżi fosthom Sirjani, Afrikani, Ġermaniżi, Taljani, Ċiniżi, Russi u Maltin. Il-leader tal-iscouts Timmy Cutigno spjega li f’kull okkażjoni bħal din, din l-iscouts jiffurmaw il-karattru tagħhom.

Il-President ta’ Malta George Vella flimkien mas-sinjura tiegħu ngħataw merħba mill-parteċipanti f’dan il-kamp. Dr Vella qallhom li dan il-kamp mhux biss iservi biex jibnu l-karattru personali tagħhom iżda wkoll biex jiffurmaw soċjetà sana u li kapaċi tgħix fil-paċi.

Il-President spjegalhom li għandhom jitgħallmu jgħixu flimkien u jaċċettaw lil xulxin minkejja d-diversità fil-kulturi u t-twemmin. Il-President Vella qal li s-soċjetà qed issir aktar multikulturali u ħeġġiġhom biex jgħixu bħal aħwa Maltin ħalli tinħoloq atmosfera ta’ integrazzjoni biex il-pajjiż ikun aktar sigur.

Aħbarijiet Oħra
Annimali

Fis-Siġġiewi, instabu 8 żoni fejn kien qed isir l-insib illegalment. Dan qalitu l-CABS fi stqarrija u saħqet li dawn ix-xbieki li jitpoġġew taħt l-ilma kienu qed jintużaw għall-insib tal-Pispisella, iċ-Ċewċewwa…

Ambjent

Wara li lbieraħ Infrastructure Malta qalgħet siġar mejta fit-Telgħa tas-Saqqajja biex tagħmel il-wisa’ għal siġar ġodda, illum beda x-xogħol ta’ tħawwil. Dalgħodu TVM żar il-post u seta’ josserva l-kumplament tat-tneħħija…

Pulizija

Għall-ewwel darba sal-aħħar ta’ din is-sena, il-Korp tal-pulizija ser ikollu flotta ta’ vetturi ġodda fid-distretti. Il-Korp, illum inawgura ħamsin vettura ġdida u sitt segways li se jintużaw l-aktar fiż-żoni pedonali…

Aktar