Edukazzjoni
60 tomna ta’ art jgħaddu f’idejn l-Università ta’ Malta

Il-Gvern għadda lill-Università ta’ Malta madwar sittin tomna ta’ art, bil-Prim Ministru Joseph Muscat jgħid li dan huwa l-ikbar investiment kapitali li qatt sar fl-Università. B’dan il-ftehim, l-Università ta’ Malta ngħatat it-titlu fuq l-artijiet, tal-Junior College fl-Imsida, l-Università l-qadima fil-Belt Valletta, il-kampus ta’ Għawdex u l-istitut għal enerġija sostenibbli f’Marsaxlokk.

F’Kastilja ġie ffirmat ftehim biex l-Univeristà ta’ Malta ngħatat it-titlu fuq propjetajiet li għalkemm kienu qed jintużaw mill-Università, dan ma kellhiex titlu legali fuqhom. Bil-ftehim mal-Awtorità tal-Artijiet, l-Università issa għandha titlu fuq il-kampus tal-Junior College l-Imsida, il-kampus t’Għawdex, l-Università l-qadima tal-Belt Valletta u l-istitut għal enerġija sostenibbli f’Marsaxlokk.

Ir-Rettur tal-Università, il-Professur Alfred Vella iddiskriva dan il-ftehim bħala storiku, għaliex qal li huwa l-ikbar investiment li qatt sar fl-Università mindu twaqfet 250 sena ilu fi żmien il-Granmastru Pinto.

Prof Alfred Vella qal “ifisser li l-assi finanzjarji tal-Università żdiedu b’manjiera impressjonanti li tpoġġi din l-Università eqreb lejn universitajiet barranin li jkollhom dawn it-tip ta’ assi.”

Il-Prim Ministru Joseph Muscat qal li dan huwa investiment miljunarju u bih l-Università ta’ Malta issa għandha iktar assi biex fuqhom tista tagħmel l-investimenti li għandha bżonn. Il-Prim Ministru qal li dan huwa investiment fl-istudenti.

Is-Segretarju Parlamentari għall-Ippjanar Chris Agius qal li dan il-ftehim huwa prova oħra ta’ kemm il-Gvern jemmen li l-edukazzjoni hija ċ-ċavetta tal-mobbiltà soċjali u mpenn biex iż-żgħażagħ isaħħu l-avvanz edukattiv tagħhom.

Aħbarijiet Oħra
Stejjer Umani

F’aktar minn ħamsin sena, l-Għaqda Alkoħoliċi Anonimi għenet mijiet ta’ persuni bi problema ta’ xorb żejjed, u ħafna drabi anke lill-qraba tagħhom permezz tal-AL-ANON. TVM tkellem ma’ raġel li 27…

Infrastruttura

Għaddejin l-aħħar tħejjijiet għat-tlestija ta’ Triq Ħal Luqa, li hija l-arterja ewlenija bejn Santa Luċija u Ħal Luqa. Bejn it-Tlieta filgħodu u l-Erbgħa waranofsinhar, it-triq se tingħalaq f’direzzjoni waħda sakemm…

Trasport

Matul l-aħħar snin, Transport Malta flimkien mal-Ministeru tat-Trasport nedew diversi skemi fuq ix-xiri ta’ mezzi tat-trasport biex jonqos it-tniġġis tal-arja. Tnejn mill-iskemi li qed jagħtu riżultati huma għax-xiri tal-karozzi elettriċi…

Aktar