Sport
70 ċiklista jduru bir-rota f’Jum il-Kottonera

Il-Fondazzjoni Kottonera u l-Bicycle Advocacy Group ingħaqdu flimkien biex  jagħtu opportunità lid-delettanti tar-rota jipprattikaw id-delizzju tagħhom filwaqt li japprezzaw il-patrimonju kulturali li hija mogħnija bih il-Kottonera.

L-attività sabet ukoll l-appoġġ tal-Kunsilli Lokali tal-ibliet tal-Kottonera.

Madwar 70 ċiklista ħadu l-opportunità biex iduru dawra ta’ aktar minn 7 kilometri fuq ir-rota madwar il-Kottonera filwaqt li tgħallmu japprezzaw ferm aħjar il-patrimonju kulturali u arkitettoniku tal-ibliet tal-Kottonera.

L-inizjattiva għal din l-attività ttieħdet mill-Fondazzjoni Kottonera u l-Bicycle Advocacy Group bil-għan li jnisslu apprezzament akbar anke fost ir-residenti għall-wirt u l-ambjent ta’ Bormla, l-Isla, il-Birgu u l-Kalkara.

Glenn Bedingfield li jmexxi l-Fondazzjoni Cottonera qal li attività bħal din, barra li tgħin biex jissaħħaħ l-apprezzament tar-residenti għall-wirt kulturali tgħinhom ukoll biex jagħmlu eżerċizzju għal saħħithom.

L-organizzazzjoni tħalliet f’idejn il-Bicycle Advocacy Group li huwa attiv ħafna biex titqanqal kuxjenza dwar mezzi altarnattivi ta’ trasport ħalli jitħares l-ambjent. L-Uffiċjal tal-Attivitajiet tal-Bicycle Advocacy Group Daniel Vella qal li l-attività hija wkoll okkażjoni għall-familja kollha.

L-attività saret bil-kollaborazzjoni tal-Kunsilli Lokali fosthom tas-Sindku tal-Kalkara Wayne Aquilina li anke ngħaqad f’din l-attività biex jinkoraġġixxi parteċipazzjoni akbar tar-residenti.

Aħbarijiet Oħra
COVID-19

Il-Coronavirus qed jolqot sew l-Amerka Ċentrali li saret l-epiċentru tal-pandemija. Fi Gwatemala, żewġ saċerdoti missjunarji Għawdxin qalu li fl-aħħar ġimgħat, il-faqar kompla jgħolli rasu b’saħanisitra familji qed itajru bandiera bajda…

COVID-19

Sidien ta’ ristoranti li fetħu fi tmiem il-ġimgħa wara aktar minn xahrejn magħluqa qalu lil TVM li minkejja li kien bidu kwiet, iħossuhom pożittivi għaliex il-klijenti qed juru sinjali ta’…

COVID-19

Għalkemm il-virus Covid 19 għadu mhux megħlub għalkollox u l-vaċċin kontrih jista’ jieħu bosta xhur oħra sakemm jiġi żviluppat u tibda l-produzzjoni tiegħu, bosta pajjiżi reġgħu bdew ibexxqu l-bieb tas-sistema…

COVID-19

Wara aktar minn xahrejn mċaħħda milli jaraw lill-qraba anzjani tagħhom, għadd kbir ta’ qraba bdew jingħataw l-opportunità li jaraw lil qrabathom minn wara l-perspex. Il-Kap Eżekuttiv ta’ San Vincenz de…

Aktar