Lokali
8 persuni jinħelsu mill-akkużi ta’ traffikar ta’ droga – il-Qorti tagħti tort lill-gvernijiet

Tmien persuni nħelsu mill-akkużi li kienu qed jittraffikaw id-droga f’każ li jmur lura 17-il sena. Il-Qorti tat it-tort lill-gvernijiet minħabba li qalet li tul is-snin irrifjutaw li jdaħħlu l-liġi tad-dritt tal-avukat matul l-interrogazzjoni. Dawn it-tmien persuni kienu ġew arrestati f’Novembru tal-2002 bħala parti minn grupp ta’ 19-il persuna li allegatament kienet tagħmel parti minn ċirku ta’ traffikar tad-droga li kien jitmexxa min-nies li kienu diġa qed iservu sentenza l-ħabs.

Fl-2001 il-pulizija kellhom informazzjoni dwar pjan li kien qed jinħema mill-ħabs bl-għajnuna ta’ nies li l-ħabsin kellhom barra, għall-importazzjoni ta’ kunsinni kbar ta’ droga. F’operazzjoni konġunta bejn il-pulizija Maltija u dik Taljana, dan il-pjan kien sfratta.

Wara li analizza l-evidenza, il-Maġistrat Francesco Depasquale kkonkluda li ma setgħetx tingħata sentenza ta’ ħabs, l-iżjed minħabba l-fatt li ħafna mill-evidenza, fosthom l-istqarrijiet li saru lill-pulizija mingħajr il-preżenza ta’ avukat, kellha tiġi dikjarata mhux valida minħabba żviluppi legali.

Aħbarijiet Oħra
Mużika

Malcolm Pisani nieda s-single ġdida bl-isem ‘RISE’, kanzunetta li hi ddedikata lill-Fondazzjoni Rise. B’din il-kanzunetta, Malcolm jixtieq iwassal messaġġ li jekk fil-ħajja tħossok imkisser u bla tama, m’għandekx taqta’ qalbek….

Qorti

Steven Jones ta’ 50 sena mir-Renju Unit tressaq il-Qorti akkużat li fit-23 ta’ Mejju għamel danni fuq il-proprjetà privata f’San Ġiljan waqt li kien fis-sakra. Huwa ammetta l-akkużi u ngħata…

Lokali

7 sigaħt ilu fetħu l-postijiet tal-votazzjoni tal-Parlament Ewropew u tal-Kunsilli Lokali. Matul dan il-ħin kienu diversi li marru jivvutaw fosthom il-President George Vella, il-Prim Ministru Joseph Muscat u l-Kap tal-Oppożizzjoni…

Aktar