Qorti
8 persuni l-Qorti b’rabta ma’ prostituzzjoni wara rejd tal-Pulizija

Żewġt irġiel Maltin u sitt tfajliet Kolombjani tressqu l-Qorti fuq każi marbuta ma’ prostituzzjoni.

L-Ispetturi Joseph Busuttil u Roxanna Tabone, mill-iskwadra ta’ kontra l-vizzji, akkużaw lil Don Spanjol u Luke Farrugia mill-Gżira li kienu qed jgħixu mill-prostituzzjoni u li użaw il-proprjetà tagħhom f’Tas-Sliema biex isservi ta’ burdell. Quddiem il-Maġistrat Audrey Demicoli, l-ispetturi xehdu li l-pulizija għamlu rejd u sabu lin-nisa għerwenin mal-klijenti tagħhom.

L-Avukat, Giannella De Marco talbet għall-ħelsien mill-arrest għaż-żewġt akkużati iżda l-Qorti ma laqgħetx it-talba. Separatament tressqu wkoll is-sitt nisa Kolombjani li għandhom bejn 18 u 26 sena.

It-tfajliet uħud bid-dmugħ f’għajnejhom ammettew l-akkużi ta’ prostituzzjoni. Il-Qorti kkundannathom sentenza ta’ sena ħabs sospiża għal erba’ snin. Fl-awla dehru jifirħu u jitgħannqu meta ġew infurmati li mhux se jintbagħtu lura f’pajjiżhom, fejn skont l-Avukat tagħhom, Gianluca Caruana Curran, ħarbu biex jevitaw il-faqar u l-ġuħ.

Aħbarijiet Oħra
Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Edukazzjoni

Is-sajf wasal biex jintemm u dħalna fl-aħħar ġimgħa qabel ma jerġgħu jibdew l-iskejjel. Iżda x’inhuma s-sentimenti tal-ġenituri u l-istudenti dwar l-bidu tas-sena skolastika ġdida? TVM tkellem mal-ġenituri u l-istudenti. Mal-wieħed…

Lokali

Waqt l-aħħar tislima li ngħatat lil Enrica lbieraħ fil-knisja ta’ San Ġiljan, inġabru €10,000 għal Puttinu Cares. Enrica kienet tgħożż il-familja ta’ Puttinu li tant tawha kuraġġ u sabar waqt…

Edukazzjoni

The Rotary Malta Clubs are calling for applications from residents of Malta wishing to pursue a post-graduate degree. The scholarship offered to Maltese residents is worth $ 30,000 and is…

Aktar