Barranin
9 xhur kura għall-kanċer u 2 operazzjonijiet ma jwaqqfuhiex milli tikseb il-ħolma tagħha

Wara disa’ xhur kura għall-kanċer, żewġ operazzjonijiet u tliet ġimgħat ta’ taħriġ Bibian Mentel-Spee rebħet il-midja tad-deheb waqt il-Winter Paralympic.

Il-mara Ġermaniża ta’ 45 sena kellha r-rebħa tagħha u żammet f’idejha t-titlu fl-isnowboard cross, nhar it-Tnejn li għadda, 10 ġimgħat wara li għamlet operazzjoni fl-ispina ta’ daharha minħabba l-kanċer.

F’Lulju li għadda Mentel Spee reġa’ ħarġilha l-kanċer għad-disa’ darba. Hija qalet li tul is-sajf  ħadet 48 terrapija bir-radjazzjoni. Qalet li matul is-sajf hija ġiet rikoverata imma l-kanċer u r-radjazzjoni ħallew effetti ħżiena fuqha. Spjegat li t-tobba qalulha li jekk ma tagħmilx l-operazzjoni qiegħda f’riskju li tibqa’ pparalizzata għax kellha riskju li tikser għonqa. Dak il-ħin hi ġiet konxja li huwa ta’ periklu li tkompli tippratika l-isport tagħha għax waqgħa waħda taf tħalli riperkuzzjonijiet kbar.

Għaldaqstant hija għamlet operazzoni qabel il-Milied u oħra ftit wara l-Ewwel tas-Sena. Wara l-operazzjoni t-tobba serħulha rasha dwar għonqa u qalulha li tista’ terġa’ tirritorna għall-isport tagħha.

Fl-2002 hija kienet se tipparteċipa fl-Olimpjadi iżda l-ħolma tagħha kienet spiċċat ħesrem meta t-tobba kienu sabulha kanċer fl-għaksa. Hija kienet għamlet operazzjoni f’saqajha u 4 xhur wara rritornat lura għall-isport tagħha fuq is-silġ.

Fl-2014 hija saret l-ewwel mara li rebħet midalja tad-deheb fl-isnowboard cross. Hi ddominat l-isport b’4 titli dinjin f’żewġ kampjonati fl-2015 u 2017.

Aħbarijiet Oħra
Barranin

Is-sehem ta’ George Ezra, Little Mix, “The 1975”, u l-artist Hugh Jackman, li interpreta kanzunetta mill-film “The Greatest Showman”, kienu wħud mill-attrazzjonijiet fis-serata tal-BRIT Awards f’O2 Arena f’Londra. L-istennija iżda…

Barranin

Uħud mill-immigranti li kienu abbord id-dgħajsa Diciotti qed ifittxu għad-danni lill-Gvern Taljan talli baqgħu bejn sema u ilma għal diversi jiem jistennew l-eżitu tal-kwistjoni li nqalgħet fis-Sajf li għadda. 41…

Barranin

Qed ikun meqjus l-ewwel każ tax-xorta tiegħu fl-istorja politika, dak tal-Prim Ministru tas-Serbja Ana Brnabic, li s-sieħba tagħha għadha kemm welldet tifel. Brnabic, li għandha 43 sena, hija mhux biss…

Barranin

Terapija ġdida fl-Ingilterra qed tagħti tama lil dawk li qed jitilfu l-vista. L-isptar Oxford Eye, f’Ingliterra qiegħed jamministra terapija marbuta mal-ġenetika tal-persuna biex jgħin lill-pazjenti li jbatu biex jaraw ma…

Aktar