Lokali
90% tal-Maltin kburin bil-wirt kulturali ta’ Malta

Fl-okkażjoni tal-festa nazzjonali ta’ Jum ir-Repubblika, Heritage Malta fetħet il-bibien ta’ żewġ siti tagħha u tat l-opportunità lill-pubbliku jżurhom mingħajr ħlas. Dan seħħ ftit jiem biss wara li stħarriġ tal-Kummissjoni Ewropea wera li l-Maltin fil-maġġoranza kbira tagħhom għandhom għal qalbhom il-wirt kulturali ta’ pajjiżhom.

Id-Domus Romana fir-Rabat u l-Mużew Nnazzjonali tal-Istorja Naturali fl-Imdina laqgħu mijiet ta’ viżitaturi li ħadu l-opportunità li tingħata minn żmien għal żmien minn Heritage Malta biex trawwem apprezzament akbar tal-wirt kulturali fost il-Maltin. Jidher li inizjattiva bħal dawn jinżlu għasel ma’ bosta maltin.

tvm.com.mt tkellem ma’ xi nies li kienu qed iżuru l-Mużew u qalu li “illum kienet inizjattiva tajba min-naħa ta’ Heritage Malta li fetħet Domus Romana u l-Mużew tal-Istorja Naturali bħala free entrance u apparti hawnhekk ser immorru l-Birgu”.

90% tal-Maltin kburin bil-wirt kulturali ta’ Malta

Dan l-interess mill-Maltin fis-siti storiċi ġie konfermat fi stħarriġ tal-Eurobarometru li sar għall-Kummissjoni Ewropea. Dan wera li 90% tal-Maltin huma kburin bil-wirt kulturali tal-pajjiżhom. Dan huwa saħansitra 5% aktar mil-medja tal-Unjoni Ewropea.

 

57% żaru monumenti jew postijiet storiċi

Iżda l-istħarrig wera wkoll li 57% biss qalu li żaru monumenti jew postijiet storiċi. 51% emmnu lir-responsabiltà tal-kura ta’ dawn il-postijiet għandha tkun f’idejn l-Awtoritajiet Maltin u mhux f’idejn entitajiet oħra fosthom dawk Ewropej.

36% tal-Maltin jilmentaw li ma għandhomx ħin biex iżuru postijiet kulturali

Fl-istħarriġ wera ukoll li 36% tal-Maltin bħal ċittadini oħra Ewropea lmentaw li ma jsibux ħin biex iżuru dawn il-postijiet. Wera wkoll li 23% tal-Maltin qalu li l-prezz tad-dħul fis-siti storiċi huwa problema għalihom.

 

Aħbarijiet Oħra
Lokali

Il-Kamra tad-Deputati approvat it-tielet qari tal-abbozz ta’ liġi dwar il-protezzjoni tal-embrijuni b’34 vot u 27  voti kontra. Il-vot intlaqa’ b’ċapċip mill-membri tal-Gvern. L-abbozz issa jonqsu biss il-firma tal-President tar-Repubblika Marie-Louise…

Lokali

Wieħed mill-istilisti magħrufa tal-kantanta internazzjonali Lady Gaga, l-istilist mill-Kroazja, Matija Cop li nġieb Malta f’attività edukattiva għall-istudenti tal-MCAST mill-Fondazzjoni, Malta Chamber of Fashion. F’Malta wieħed mill-istilisti li taħdem miegħu l-kantanta…

Lokali

Mara ta’ 58 sena qaltilna li ilha priġuniera ġo darha għal dawn l-aħħar 9 snin għax minħabba mard ma tiflaħx tinżel żewġ sulari taraġ. Il-mara, Rita Gatt hija armla b’erbat’…

Lokali

F’konferenza tal-aħbarijiet, siegħa qabel ttieħed il-vot fit-tielet qari biex tidħol il-liġi ġdida tal-IVF, id-Deputat Prim Ministru u Ministru tas-Saħħa Chris Fearne sostna li wasal il-waqt li l-politiċi ma jibqgħux jaħsbu…

Aktar