Toroq
Attent jekk se tgħaddi minn Triq Villambrosa fil-Ħamrun

Kif jixhed ir-ritratt li ttella’ fuq il-midja soċjali, l-istat li tinsab fiha Triq Villambrosa fil-Ħamrun xejn mhu sigur.

Għalkemm l-aċċess għal din it-triq ingħalaq, xorta waħda tibqa’ tintuża mir-residenti li jgħixu ġo fiha.

Filwaqt li jifhmu li x-xogħlijiet fit-triq iridu jsiru, ir-residenti qalu li xorta waħda jinsabu mħassba dwar l-istat tat-triq. Il-gandott li hemm mikxuf fit-triq qiegħed perikoluż bil-karozzi tar-residenti u kull min jgħaddi bil-mixi fit-triq jispiċċa jkollu jikkalkula biex jgħaddi minn fuq biċċiet tal-injam irqaq.

Ir-residenti qed jitolbu biex tal-anqas jitqegħdu pjanċi tal-ħadid flok l-injam li hemm.

Fi Triq Villambrosa qed isiru xogħlijiet ta’ manutenzjoni.

Kunsillier tal-Ħamrun, Jurgen Grixti, qal li bagħat lil min hu responsabbli biex din is-sitwazzjoni tiġi indirizzata kif għandu jkun.