Lokali
Aċċessibiltà għal persuni li għandhom nuqqas ta’ smigħ fiċ-Ċinema ta’ Spazju Kreattiv

Il-Fondazzjoni Kreattività investiet fit-teatru taċ-Ċinema li hemm fil-Kavillier ta’ San Ġakbu bil-għan li dan ikun aktar aċċessibli għal persuni li jużaw il-hearing aid. Permezz ta’ apparat speċjalizzat persuni bil-hearing aid ser ikunu jistgħu jisimgħu b’mod dirett ir-rappreżentazzjonijiet li jkunu qed isiru. Il-Ministru tal-Kultura Owen Bonnici qal li din is-sistema magħrufa bħala Hearing Loop tipprovdi aktar accessibilità.

Permezz tas-sistema msejħa Hearing Loop, it-teatru taċ-Ċinema fil-Kavallier ta’ San Gakbu sar aċċessibli anke għall-persuni li jużaw il-hearing aid.

L-uffiċjali taċ-Ċentru Kreattiv qalu li dan huwa l-ewwel teatru f’Malta li issa għandu sistema ta’ ħoss modern magħruf 7.1. F’dan it-teatru jintwerew films artistiċi u anke rappreżentazzjoni teatali li jitwasslu b’mod dirett minn diversi teatri internazzjonali.

Is-Segretarju Parlamentari għal persuni b’diżabiltà Anthony Agius Decelis qal li ħadd ma għandu jkun eskluż mill-attivitajiet li jkun hawn fil-pajjiż. Qal li s-Segretarjat qed jagħmel ħidma kontinwa biex joħloq aktar aċċessibilità f’kull aspett tal-ħajja.

Il-Ministru tal-Kultura Owen Bonnici qal li bis-sistema tal-Hearing Loop qed jindirizza l-bżonnijiet ta’ kategorija partikolari ta’ persuni li għandhom dritt għal aċċessibiltà biex igawdu l-attivitajiet kulturali. Huwa spjega li dan il-proġett jidhol fl-istrateġija kulturali 2020 li hija maħsuba biex kulħadd igawdi dak li joffri l-pajjiż fuq livell kulturali. Dr Bonnici qal li fil-Kavallier ta’ San Ġakbu jittellgħu aktar minn 400 attività kulturali fis-sena.

Aħbarijiet Oħra
Ġurnali

In-Nazzjon: Fuq il-faċċata, kif qed jagħmlu ħafna mill-ġurnali tal-lum, ritratt tal-Prim Ministru Ingliża Theresa May li lbieraħ irnexxielha ssalva minn vot ta’ sfiduċja kontriha fil-partit konservattiv b’200 vot favur u…

Lokali

Matul il-ġurnata il-PBS se jiftaħ il-bibien tiegħu għas-segwaċi tal-programmi tat-tv u tar-radju biex ikollhom l-opportunità jaraw l-istudjos minn fejn jixxandru l-programmi u jiltaqgħu mal-preżentaturi u atturi li tant jammiraw. Fosthom…

Kronaka

Żewġt irġiel indarbu meta ttajru minn vettura f’B’Kara. L-inċident seħħ għall-ħabta tas-1.30am, bil-Pulizija ġiet infurmata li kien hemm bżonn l-assistenza tagħha fi Triq Dun Karm, Birkirkara. Il-Pulizija tad-Distrett marru fuq…

Kronaka

Raġel sofra minn ġrieħi gravi wara li kien involut f’inċident tat-traffiku fir-Rabat. L-inċident seħħ illum għall-ħabta tal-5.30pm fi Triq Sqaq iċ-Ċawla. Mill-ewwel stħarriġ tal-Pulizija jirriżulta li seħħet ħabta bejn żewġ…

Aktar