Politika
Adrian Delia jgħid li hu għadu l-Kap tal-Oppożizzjoni u tal-PN

Il-Kap tal-Oppożizzjoni u tal-Partit Nazzjonalista, Adrian Delia, qal li hu għadu l-Kap tal-Oppożizzjoni u tal-Partit Nazzjonalista.

“Kien hemm aħbarijiet fuq il-midja li diġà Kap tal-Oppożizzjoni ġdid u ssemmiet l-Onorevoli Therese Comodini Cachia. Insellmilha. Imma dan mhux minnu għax il-Kap tal-Oppożizzjoni llum huwa Adrian Delia għax bqajt il-Kap tal-Partit Nazzjonalista.”

F’messaġġ tard il-Ħamis filgħaxija fuq il-midja tal-Partit Nazzjonalista, Dr Delia qal li f’laqgħa mal-President George Vella, il-Kap tal-Istat għarrfu beda proċess biex isejjaħ lid-deputati tal-grupp parlamentari ħalli jara hux vera li 17-il membru parlamentari m’għandhomx fiduċja iktar fih.

Dan ġara wara li d-Deputati Chris Said u Claudette Buttigieg marru għand il-President fejn ġie rappurtat li f’isem il-maġġoranza tad-deputati tal-Partit Nazzjonalista nfurmawh li kienu qed jinnominaw lill-Avukat Therese Comodini biex tkun il-Kap tal-Oppożizzjoni minflok Dr Adrian Delia li t-Tlieta ġie sfiduċjat mill-maġġoranza tad-deputati Nazzjonalisti.

Madankollu, Dr Delia qal li hu informa lill-President li ddeċieda li jonora l-mandat li tawh it-tesserati bħala Kap tal-Partit Nazzjonalista. Dr Delia rrimarka li l-istatut tal-Partit Nazzjonalista jipprovdi li min ikun Kap tal-Partit għandu jkun il-Kap tal-Oppożizzjoni.

“Kulħadd irid jerfa’ r-responsabbiltà tiegħu. Kull deputat li se jmur għand il-President ta’ Malta jrid jiddeċiedi jekk iridx ineħħi l-Kap tal-Oppożizzjoni jew le. Kull deputat irid jifhem li jekk jitneħħa l-Kap tal-Oppożizzjoni dan minnu nnifsu jfisser xorta li hu l-Kap tal-Partit illi jrid ikun il-Kap tal-Oppożizzjoni.” 

Dr Delia qal li se jibqa’ leali lejn it-tesserati u wera ruħu konvint li dawk li sejjaħ in-Nazzjonalisti veri se jibqgħu wara l-Partit. Sostna li mhux se jitradixxi lit-tesserati u se jibqa’ leali lejhom għax determinat li li jwettaq il-mandat li tawh it-tesserati biex imexxi l-Partit Nazzjonalista. Temm li hu mhu se jaqta’ qalbu qatt.

Aħbarijiet Oħra
Lokali

Melvin Theuma, l-intermedjarju fil-qtil ta’ Daphne Caruana Galizia, baqa’ f’qagħda stabbli. Fi stqarrija l-Pulizija qalet li Theuma għadu fit-taqsima tal-ENT fl-isptar Mater Dei. It-Tlieta 21 ta’ Lulju 2020, Theuma nstab…

COVID-19

L-organizzaturi tal-attivitajiet li jinqabdu jiksru r-regoli tal-miżuri mħabbra mill-Awtoritajiet tas-Saħħa biex iwaqqfu l-imxija tal-Covid-19 jistgħu jeħlu multa ta’ €3,000 għal kull miżura li jiksru. Dan tħabbar illum f’avviż legali ppubblikat…

Lokali

Dr Lydia Abela, il-mara tal-Prim Ministru, ippreżentat total ta’ €8,000 f’donazzjonijiet li nġabru waqt l-ewwel edizzjoni ta’ ‘A Night at the Palace’, lill-għaqdiet li jaħdmu favur id-drittijiet tal-annimali. Waqt li…

Agrikultura

L-istaġun tal-ħsad tal-għeneb għall-għasir infetaħ mill-Ministru għall-Agrikoltura Anton Refalo, fil-preżenza tal-produtturi tal-inbid Malti. Il-Ministru qal li l-inbid Malti huwa wieħed ta’ kwalità għax l-industrija aġġornat maż-żminijiet. Id-Direttur tad-Direttorat tal-Agrikoltura Saviour…

Aktar