Lokali
Adrian Delia jgħid li s-settur tas-superyachts għandu jingħata aktar importanza

Il-Kap tal-Partit Nazzjonalista Adrian Delia qal li Malta għandha potenzjal li tattira turiżmu u investiment tal-ogħla kwalità. Waqt żjara fil-jott marina tal-Birgu, Dr Delia qal s-settur tas-superyachts għandu jingħata l-ikbar importanza għax dan iħalli impatt pożittiv fl-ekonomija.

B’referenza għal proċeduri li nfetħu kontra Malta dwar l-industrija tal-jottijiet, Dr Delia qal li dan huwa attakk fuq Malta dwar it-taxxa tas-superyachts u sejjaħ biex ir-reputazzjoni tal-pajjiż tingħata l-attenzjoni li jixirqilha. Huwa qal li l-pajjiż għandu jkollu front wieħed biex ikun assigurat li dak li nbena matul iz-zmien ma jitkissirx meta jkun hemm attentati bħal dawn minn interessi barranin.

Dr Delia sejjaħ biex isir aktar investiment fl-infrasttruttura u fir-riżorsi umani biex il-pajjiż joffri prodott ta’ kwalità għolja. Qal li l-marina tal-Birgu hija xhieda tal-potenzjal li għandu l-pajjiż għax qed jingħata servizz lil settur speċjalizzat f’din in-niċċa ekonomika.

Aħbarijiet Oħra
Gazzetti

Ħarsa lejn l-istejjer ewlenin fil-ġurnali tal-lum, il-Ħadd 23 ta’ Settembru, 2018 The Malta Independent Timmarka d-demostrazzjoni li saret kontra l-vjolenza domestika fil-Belt Valletta. Rapport ieħor jgħid li dawk li jaħdmu…

Televiżjoni u Radju

Lejn tmiem is-snin 30 l-awtoritajiet Taljani fil-Libja kienu konvinti li l-Maltin ta’ Tripli kienu qed jibagħtu żgħażagħ mill-komunità tagħhom lejn Malta biex jidħlu fl-armata Ingliza. Aktar minn hekk, l-awtoritajiet Taljani…

Renju Unit

Meta r-Renju Unit joħroġ mill-Unjoni Ewropea, ċittadini tal-Unjoni Ewropea, fosthom il-Maltin, li ilhom jgħixu fir-Renju Unit għal tal-inqas ħames snin se jkunu intitolati għal dokument ġdid ta’ residenza msejjaħ settled…

Aktar